ជាតិ
សុខភាព
លោក Peter Studer នាយកប្រតិបត្តិមូលនិធិគន្ធបុប្ឆា ទទួលមរណភាពក្នុងអាយុ៧៣ឆ្នាំ
× វេជ្ជបណ្ឌិត Peter Studer អនុប្រធានក្រុមប្រឹក្សាភិបាល និងជានាយកប្រតិបត្តិមូលនិធិគន្ធបុប្ផា (Kantha Bopha Foundation Dr Beat Richner) ប្រចាំនៅប្រទេសស្វីស បានទទួលមរណភាពក្នុងអាយុ៧៣ឆ្នាំ ដោយរោគាពាធ កាលពីថ្ងៃទី៦ ខែឧសភា ឆ្នាំ២០២០ នៅប្រទេសស្វីស។ នេះបើតាមផ្សាយរបស់គេហទំព័រមូលនិធិមន្ទីរពេទ្យគន្ធបុប្ផា (beat-richner.ch)។
វេជ្ជបណ្ឌិត Peter Studer ត្រូវបានចាត់ទុកជាវីរបុរសម្នាក់ទៀតរបស់កុមារខ្មែរ ដោយលោកបានចូលរួមក្នុងប្រតិបត្តិការសាងសង់បណ្តាមន្ទីរពេទ្យគន្ធបុប្ឆាឡើងវិញនៅកម្ពុជា ចាប់តាំងពីឆ្នាំ១៩៩២មក។ លោកបានបន្តដំណែងជាប្រធានមន្ទីរពេទ្យគន្ធបុប្ឆា ចាប់តាំងពី៣ឆ្នាំមុនពេលដែលវេជ្ជបណ្ឌិត Beat Richner ទទួលមរណភាពនៅឆ្នាំ២០១៨។
«លោកវេជ្ជបណ្ឌិត Peter Studer នឹងឋិតនៅក្នុងក្រអៅបេះដូងយើងគ្រប់ៗគ្នាជារៀងរហូត»។ នេះជាសាររំលែកទុក្ខរបស់ថ្នាក់ដឹកនាំនៃមន្ទីរពេទ្យគន្ធបុប្ឆា និងមូលនិធិគន្ធបុប្ឆា Dr.med.Beat Richner ដែលផ្ញើទៅកាន់លោកស្រី Genevieve F.Cattin-Studer និងក្រុមគ្រួសារ។
ជាមួយគ្នានេះ លោកវេជ្ជបណ្ឌិត Denis Laurent ត្រូវបានតែងតាំងជាអគ្គនាយកមូលនិធិគន្ធបុប្ផា និងគ្រប់គ្រងប្រតិបត្តិការមន្ទីរពេទ្យទាំង៥នៅភ្នំពេញ និងសៀមរាប ជាមួយថ្នាក់ដឹកនាំផ្សេងទៀតរួមមានវេជ្ជបណ្ឌិត Ky Santy និង Yay Chantara៕
© រក្សាសិទ្ធិដោយ thmeythmey.com