ពីនេះ ពីនោះ
ព័ត៍មានសុខភាព
ឧស្សាហ៍ញុាំ “ស៊ុត” ប៉ុន្តែតិចអត់ដឹងថាល្អអ្វីខ្លះចំពោះសម្រស់
× ភាគច្រើននៃពួកយើងសុទ្ធតែដឹងពីអត្ថប្រយោជន៍របស់ស៊ុតចំពោះសុខភាព ប៉ុន្តែប្រហែលជាមិនចាប់អារម្មណ៍ពីផលល្អៗរបស់វាទៅលើសម្រស់ឡើយ។ ថាតើស៊ុតល្អអ្វីខ្លះទៅចំពោះសម្រស់?
ខាងក្រោមនេះយើង នឹងបង្ហាញឱ្យដឹងពីគន្លឹះងាយៗប្រើប្រាស់ស៊ុតរក្សាសម្រស់ ៖
១. កម្ចាត់មុនក្បាលខ្មៅ
លាយផ្នែកពណ៌សនៃស៊ុត ១ គ្រាប់ ជាមួយទឹកក្រូចឆ្មារ កន្លះស្លាបព្រាកាហ្វេ និងទឹកឃ្មុំ ចំនួន ១ ស្លាបព្រាកាហ្វេ។ កូរលាយចូលគ្នាឱ្យសព្វ សឹមលាបល្បាយលើតំបន់ស្បែកដែលទទួលរងផលប៉ះពាល់ដោយសារមុនក្បាលខ្មៅ។ ទុកចោលសម្រាប់រយៈពេល ១៥ នាទី ហើយលាងសម្អាតចេញជាមួយទឹកក្ដៅឧណ្ហៗជាមុនសិន សឹមលាងជាមួយទឹកត្រជាក់តាមក្រោយ។
២. បង្រួមរន្ធញើស
អ្វីដែលអ្នកត្រូវធ្វើ គឺគ្រាន់តែលាយផ្នែកពណ៌លឿងនៃស៊ុតជាមួយប្រេងអូលីវបន្តិច។ កូរឱ្យសព្វ សឹមលាបលើស្បែកមុខកន្លែងដែលមានរន្ធញើសធំ។ ទុកចោលសម្រាប់រយៈពេលពី ១០ ទៅ ១៥ នាទី សឹមលាងសម្អាតចេញជាមួយទឹកត្រជាក់។
៣. បំបាត់មុន
អ្វីដែលអ្នកត្រូវធ្វើ គឺគ្រាន់តែលាយស៊ុតជាមួយទឹកឃ្មុំបន្តិច រួចកូរឱ្យសព្វ សឹមលាបល្អតំបន់ស្បែកដែលទទួលរងផលប៉ះពាល់។ លាងសម្អាតចេញក្រោយរយៈពេលប្រហែល ១ ម៉ោង។
៤. ជួយឱ្យស្បែកដែលរឹងគ្រើមប្រែជាទន់រលោង
លាយស៊ុតជាមួយប្រេងអូលីវ រួចលាបម៉ាស្សាល្បាលលើតំបន់ស្បែកដែលមានបញ្ហាពិសេសកែងដៃ ជង្គង់ កែងជើង និងផ្នែកផ្សេងទៀតនៃរាងកាយដែលងាយឡើងគ្រើមរឹងៗ។ លាងសម្អាតចេញក្រោយរយៈពេល ៣០ នាទី។
៥. ព្យាបាលសក់បែកចុង
អ្វីដែលអ្នកត្រូវធ្វើ គឺគ្រាន់តែលាយផ្នែកពណ៌លឿងនៃស៊ុតជាមួយប្រេងដូងរួចលាបលើចុងនៃសក់សម្រាប់រយៈពេលប្រហែល ១ ម៉ោងមុនពេលងូតទឹក៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com