ជាតិ
សុខភាព
×![]()
ភ្នំពេញ៖ ការធ្វើអនាម័យលើប្រដាប់ភេទ ជារឿងសំខាន់សម្រាប់បុរសនិងស្ត្រី ជាពិសេស សម្រាប់អ្នកដែលមានដៃគូរួមភេទ ព្រោះថាការធ្វើអនាម័យត្រឹមត្រូវ ធ្វើឱ្យប្រដាប់ភេទមានសុខភាពល្អ និងអាចបង្ការជំងឺផ្សេងៗផងដែរ។ តើបុរសនិងស្ត្រីត្រូវធ្វើអនាម័យប្រដាប់ភេទដូចម្តេច ទើបត្រឹមត្រូវនិងមានសុវត្ថិភាពខ្ពស់?
ដើម្បីជ្រាបច្បាស់សូមអញ្ជើញលោក-អ្នកនាងទស្សនាវីដេអូខ្លី ដូចតទៅ៖
បើតាមលោកស្រីវេជ្ជបណ្ឌិត ឯក ម៉េងលី ឯកទេសសម្ភពនិងរោគស្ត្រី ភាគច្រើនបុរសនិងស្ត្រីមិនសូវយកចិត្តទុកដាក់ធ្វើអនាម័យប្រដាប់ភេទទេ ហើយការធ្វើអនាម័យមិនបានល្អ អាចងាយឆ្លងមេរោគពីដៃគូម្ខាងទៀត និងអាចបង្កឱ្យមានជំងឺរលាកស្បូន និងរលាកផ្លូវទឹកនោមជាដើម។
បើតាមលោកស្រីវេជ្ជបណ្ឌិត ឯក ម៉េងលី ឯកទេសសម្ភពនិងរោគស្ត្រី ភាគច្រើនបុរសនិងស្ត្រីមិនសូវយកចិត្តទុកដាក់ធ្វើអនាម័យប្រដាប់ភេទទេ ហើយការធ្វើអនាម័យមិនបានល្អ អាចងាយឆ្លងមេរោគពីដៃគូម្ខាងទៀត និងអាចបង្កឱ្យមានជំងឺរលាកស្បូន និងរលាកផ្លូវទឹកនោមជាដើម។
លោកស្រីវេជ្ជបណ្ឌិតបានពន្យល់ពីការសំអាតប្រដាប់ភេទដល់អ្នកមានដៃគូរួមភេទដូច្នេះថា៖«មុនពេលនិងក្រោយពេលរួមភេទ ស្ត្រីត្រូវលាងប្រដាប់ភេទខាងក្រៅជាមួយទឹកអនាម័យឱ្យបានស្អាត ហើយនោមចេញធ្វើបែបនេះទើបគាត់មិនសូវឆ្លងជំងឺ។ ជៀសវាងការរួមភេទនៅពេលមករដូវ ពេលមានរលាកមាត់ស្បូន និងមានធ្លាក់សខុសប្រក្រតី ព្រោះងាយនឹងឆ្លងជំងឺពីភាគីម្ខាងទៀត»។
«ចំពោះបុរសមុន និងក្រោយរួមភេទ ត្រូវលាងសំអាតប្រដាប់ភេទជាមួយទឹកស្អាតឬទឹកអនាម័យ ដោយសំអាតឱ្យបានស្អាត ព្រោះប្រដាប់ភេទបុរសផ្នែកចុងមានគល់គន្លាក់ ហើយនោមចេញដើម្បីកុំឱ្យមានបញ្ហារលាកផ្លូវទឹកនោម។ បើមិនសម្អាតឱ្យត្រឹមត្រូវ មេរោគនឹងដក់ក្នុងហ្នឹង ម្យ៉ាងទៀតនៅពេលដែលរួមភេទដោយមិនប្រើស្រោម គាត់នឹងចម្លងជំងឺមួយចំនួនឱ្យដៃគូ ហើយខ្លួនគាត់ក៏អាចកើតរលាក(ប្រដាប់ភេទ)ដែរ»។
អ្នកស្រីវេជ្ជបណ្ឌិត ឯក ម៉េងលី ឯកទេសសម្ភពនិងរោគស្ត្រីនៃមន្ទីរពេទ្យអឃីតកោះពេជ្រ បានបន្ថែមថា ស្ត្រី និងបុរសមិនគួរប្រើទឹកអនាម័យដែលមានប្រភេទអាស៊ីតនិងបាសខ្លាំងពេកទេ ដោយត្រូវប្រើទឹកអនាម័យដែលមានកម្រិត PH ៣.៨ ទៅ ៤.៥ ៕
Tag:
សុខភាព
អនាម័យ
© រក្សាសិទ្ធិដោយ thmeythmey.com
