ជាតិ
Covid-19៖កម្ពុជាសល់អ្នកជំងឺតែម្នាក់ ក្រោយបុរសអាយុ៧៥ឆ្នាំបានសះស្បើយ
× កម្ពុជានៅសល់អ្នកជំងឺតែម្នាក់ទៀតប៉ុណ្ណោះ ក្រោយក្រសួងប្រកាសនៅថ្ងៃទី១២ ឧសភានេះថា បុរសអាយុ៧៥ឆ្នាំ នៅខេត្តកំពង់ឆ្នាំង បានជាសះស្បើយហើយ។ ក្រសួងក៏បញ្ជាក់ថាគ្មានករណីថ្មីនៃជំងឺកូវីដ-១៩ ត្រូវបានរកឃើញនោះដែរ ពោលគឺរយៈពេល២៩ថ្ងៃហើយ គិតមកទល់ពេលនេះ។
កម្ពុជារកឃើញអ្នកឆ្លងសរុប១២២នាក់ និងបានជាសះស្បើយចំនួន១២១នាក់ហើយ។ អ្នកសះស្បើយទាំង១២នាក់ រួមមានជនជាតិខ្មែរចំនួន៥០នាក់, បារាំង ៤០នាក់,ម៉ាឡេស៊ី ១៣នាក់,អង់គ្លេស៥នាក់, ចិន៣នាក់,អាមេរិកាំង២នាក់,វៀតណាម៣នាក់,ឥណ្ឌូណេស៊ី ២នាក់,កាណាដា២នាក់ និងជនជាតិបែលហ្សិក១នាក់។ ដោយឡែកអ្នកជំងឺម្នាក់ដែលនៅសល់ គឺជាស្រ្តីអាយុ ៣៦ឆ្នាំ រស់នៅខេត្តបន្ទាយមានជ័យ និងកំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត៕
© រក្សាសិទ្ធិដោយ thmeythmey.com