COVID-19
ជាតិ
ទូតអូស្ត្រាលីថា កម្ពុជាជាគោលដៅទេសចរណ៍ដ៏មានសក្តានុពលក្រោយចប់ COVID-19
×![]()
ភ្នំពេញ៖ ឯកអគ្គរដ្ឋទូតអូស្ត្រាលីប្រចាំកម្ពុជា លោក Pablo Chiho Kang បានចាត់ទុកកម្ពុជា ជាគោលដៅទេសចរណ៍ដ៏មានសក្តានុពល ដែលទេសចរបរទេសមកកម្សាន្តវិញ ក្រោយចប់កូវីដ-១៩ នៅទូទាំងពិភពលោក។
ក្នុងជំនួបពិភាក្សាការងារនៅទីស្ដីការក្រសួងទេសចរណ៍ នាថ្ងៃទី២៦ ខែឧសភានេះឯកអគ្គរដ្ឋទូតអូស្ត្រាលីប្រចាំកម្ពុជា លោក Pablo Chiho Kang បានលើកឡើងថា កម្ពុជាមានតំបន់ទេសចរណ៍គោលដៅជាច្រើនដូចជា តំបន់ឆ្នេរសមុទ្រ តំបន់ភូមិភាគឦសាន ខេត្តសៀមរាប និងខេត្តបាត់ដំបង ជាដើម។
លោក Pablo Chiho Kang បានបន្ថែមថា លោកបានផ្សព្វផ្សាយអំពីសក្កានុពលទេសចរណ៍កម្ពុជា ទៅកាន់ភ្ញៀវទេសចរអូស្ត្រាលី ជាពិសេសក្រោយពីកម្ពុជាអនុញ្ញាតឱ្យនាវា Westerdam ចូលចត នៅខេត្តព្រះសីហនុ ធ្វើឱ្យល្បីសុសសាយដល់អូស្ត្រាលី ហើយពួកគេចង់មកកម្សាន្តក្រោយចប់កូវីដ-១៩។
លោក ថោង ខុន រដ្ឋមន្ត្រីក្រសួងទេសចរណ៍ បានបញ្ជាក់ថា ចំនួនភ្ញៀវទេសអូស្ត្រាលី មកកម្សាន្តនៅកម្ពុជាមានការកើនឡើង ពោលគឺក្នុងឆ្នាំ២០១៩ ភ្ញៀវទេសចរអូស្ត្រាលីមានចំនួនប្រមាណ១២ម៉ឺននាក់។
ជាមួយគ្នានេះ រដ្ឋមន្ត្រីក្រសួងទេសចរណ៍ បានស្នើរឱ្យ រដ្ឋាភិបាលអូស្ត្រាលី ជួយពន្លឿនការរៀបចំឱ្យមានជើងហោះហើរត្រង់ កម្ពុជា-អូស្ត្រាលី ដើម្បីជំរុញឱ្យមានកំណើនទេសចរកាន់តែច្រើន។ ដោយសារកន្លងមក ដើម្បីធ្វើដំណើរទៅមកកម្ពុជា-អូស្ត្រាលី ភ្ញៀវទេសចរ និងអ្នកដំណើរត្រូវឆ្លងកាត់ប្រទេសថៃ ឬប្រទេសសិង្ហបុរី មុនចូលមកដល់ប្រទេសកម្ពុជា ឬទៅដល់ប្រទេសអូស្ត្រាលី៕
Tag:
ទេសចរណ៍
កូវីដ-១៩
© រក្សាសិទ្ធិដោយ thmeythmey.com
