ពីនេះ ពីនោះ
សុខភាព
×![]()
ដោយ: សារព័ត៌មានថ្មីៗ
លំពែង គឺជាផ្នែកនៃសរីរាង្គដ៏សំខាន់មួយរបស់ប្រព័ន្ធរំលាយអាហារ។ វាមិនត្រឹមតែគ្រប់គ្រងនិងបន្សាបអាហារមានជាតិអាស៊ីតដែលទទួលទានបានដោយក្រពះប៉ុណ្ណោះទេ អង់ស៊ីមដែលបញ្ចេញដោយលំពែងក៏ជួយក្នុងការរំលាយកាបូអ៊ីដ្រាត ប្រូតេអ៊ីន និងជាតិខ្លាញ់ផងដែរ។ លំពែងមានសុខភាពល្អជួយរក្សាកម្រិតត្រឹមត្រូវនៃការស្រូបយកជាតិស្ករនិងសម្រួលដល់ដំណើរការនៃការរំលាយអាហារធ្វើអោយអ្នកជៀសផុតពីបញ្ហាសុខភាពផ្សេងៗ។ ទោះជាយ៉ាងណាទម្លាប់ប្រចាំថ្ងៃមួយចំនួនអាចជះឥទ្ធិពលគួរឱ្យបារម្ភចំពោះសុខភាពលំពែង។ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីទម្លាប់ទាំងនោះ ៖
១. ការជក់បារី
មិនត្រឹមតែសួតប៉ុណ្ណោះទេដែលទទួលរងផលប៉ះពាល់ ការជក់បារីក៏បង្កើនហានិភ័យនៃបញ្ហាសុខភាពជាច្រើនគួរឱ្យបារម្ភ រួមទាំងជំងឺមហារីកលំពែង! នេះក៏ព្រោះតែបារីមានផ្ទុកសម្បូរទៅដោយជាតិពុល ឬសារធាតុគីមីគ្រោះថ្នាក់។
២. ធាត់លើសទម្ងន់
ភាពធាត់ជ្រុលផ្សារភ្ជាប់នឹងបញ្ហាសុខភាពធ្ងន់ធ្ងរជាច្រើន ហើយមួយក្នុងចំណោមនោះ គឺជំងឺមហារីកលំពែង។ ការស្រកទម្ងន់ ឬការរក្សាបាននូវទម្ងន់ត្រឹមត្រូវមួយមិនត្រឹមតែជួយកាត់បន្ថយហានិភ័យនៃជំងឺមហារីកលំពែងប៉ុណ្ណោះទេ ប៉ុន្តែព្រមទាំងជំងឺផ្សេងៗទៀតផងដែរ។
៣. ទម្លាប់ទទួលទានរបបអាហារមិនល្អ
អ្វីដែលអ្នកទទួលទានក៏អាចជះឥទ្ធិពលលើហានិភ័យនៃជំងឺលំពែងឱ្យចុះទាប ឬឡើងខ្ពស់ផងដែរ។ របបអាហារសម្បូរខ្លាញ់និងកូឡេស្តេរ៉ូល ព្រមទាំងផលិតផលអាហារកែច្នៃអាចបង្កើនហានិភ័យនៃជំងឺមហារីកលំពែងគួរឱ្យកត់សម្គាល់។ ដូច្នេះដើម្បីជាការប្រសើរចូរជ្រើសរើសរបបអាហារសុខភាពល្អដែលមានផ្ទុកសម្បូរដោយបន្លែផ្លែឈើជំនួសវិញ។
៤. ការទទួលទានគ្រឿងស្រវឹងច្រើនពេក
ក្នុងកម្រិតមធ្យមគ្រឿងស្រវឹងអាចផ្ដល់អត្ថប្រយោជ៍ចំពោះរាងកាយ ប៉ុន្តែការទទួលទានច្រើនពេកអាចជះឥទ្ធិពលគួរឱ្យបារម្ភលើសុខភាព។ មួយក្នុងចំណោមនោះ គឺហានិភ័យនៃជំងឺមហារីកលំពែង។ ការទទួលទានគ្រឿងស្រវឹងច្រើនក៏អាចបណ្ដាលឱ្យកើតមានជំងឺរលាកលំពែងផងដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
