ជាតិ
ពីនេះ ពីនោះ
«បារម្ភ» មានន័យខុសពី«អារម្មណ៍»និង«អារម្ភ»ដូចម្តេច?
× «បារម្ភ»មានន័យថា ដំណើរនឹកថប់ ឬនឹកព្រួយជាមុន។ ចំពោះ«អារម្មណ៍»សំដៅលើគ្រឿងតោងរបស់ចិត្ត។ ចំណែក«អារម្ភ» សំដៅលើការតាំងចិត្តផ្តួចផ្តើម។
«បារម្ភ» មានថ្នាក់ពាក្យជា«នាមសព្ទ»សំដៅលើដំណើរនឹកថប់ ឬនឹកព្រួយជាមុន។ ខ្ញុំមានបារម្ភក្រែងតែការនុះនឹងមិនបានសម្រេច។ ជួនកាលគេប្រើជាកិរិយាសព្ទ។ អ្នកកុំបារម្ភឲ្យសោះ ការនុះមុខជានឹងបានសម្រេច។
«អារម្មណ៍»សំដៅលើគ្រឿងតោងរបស់ចិត្តដែលមានជា រូបារម្មណ៍(ភ្នែក), សទ្ទារម្មណ៍(ត្រចៀក),គន្ធារម្មណ៍(ច្រមុះ),រសារម្មណ៍(អណ្តាត), ផោដ្ឋ-ព្វារម្មណ៍(សព៌ាង្គកាយ លើកអាយតនៈ៥ចេញ), ធម្មា-រមណ៍(សម្រាប់ចិត្តសុទ្ធ)។
ចំណែក«អារម្ភ»សំដៅលើការប្រារព្ធ ,ការតាំងផ្តើម ឬផ្តួចផ្តើម, ការរៀបរប,ដំណើរចាប់ផ្តើម,ចាប់ធ្វើការ ឬចាប់ការ។ អារម្ភកថា ពាក្យប្រារព្ធ, ពាក្យផ្តើម, ពាក្យនាំមុខ : អារម្ភកថាសៀវភៅ... ។ អារម្ភចិត្ត ចិត្តគិតតាំងផ្តើមជាមុន, ចិត្តប្រារព្ធ ។ អារម្ភចេតនា គំនិតដែលផ្តួចផ្តើមឡើង ។ អារម្ភបទ បទផ្តើម, សេចក្ដីប្រារព្ធ, អារម្ភកថា ។ អារម្ភវាទ ពាក្យផ្តើមនិយាយមុនគេ ។ អារម្ភវាទិន ឬ--វាទី អ្នកដែលច្រើនតែផ្តើមនិយាយមុនគេ (ក្នុងទីប្រជុំជាដើម) អ្នកផ្តើមនិយាយមុន (បើស្ត្រីជា អារម្ភវាទិនី) ។ល៕
© រក្សាសិទ្ធិដោយ thmeythmey.com