ភ្នំពេញ ប្រទេសកម្ពុជា ថ្ងៃទី២៧ ខែឧសភា ឆ្នាំ២០២០៖ ក្រុមហ៊ុនសិង្ហបុរី SWAN & MACLAREN និងSCA បានចុះហត្ថលេខា លើអនុស្សរណៈនៃការយោគយល់គ្នា (MoU) ជាផ្លូវការ នៅថ្ងៃទី ៣០ ខែឧសភា ឆ្នាំ ២០២០ ដើម្បីរូមបញ្ចូលនូវជំនាញឯកទេស របស់ក្រុមហ៊ុនទាំងពីរ សំដៅពង្រីកបន្ថែម នូវវត្តមាន និងសេវាកម្មរបស់ខ្លួន នៅក្នុងប្រទេសកម្ពុជា។
យោងតាមអនុស្សរណៈនៃការយោគយល់គ្នា ដែលបានឯភាពគ្នា ក្រុមហ៊ុន Swan & Maclaren និង SCA នឹងរួមបញ្ចូលគ្នាជាលក្ខណៈយុទ្ធសាស្ត្រ នូវជំនាញឯទេស និងការប្រតិបត្តិល្អបំផុត របស់ក្រុមហ៊ុនទាំងពីរ ក្នុងការនាំយកស្តង់ដារសិង្ហបុរី នៃការសិក្សាគម្រោងប្លង់ និងឧត្ដមភាពនៃការសាងសង់សំណង់ ជូនដល់ប្រជាជនកម្ពុជា ។
ការអនុវត្តរាប់ចាប់ពីការសិក្សាគម្រោងប្លង់ រហូតដល់ការបញ្ចប់គម្រោងជាស្ថាពរ នឹងត្រូវធ្វើឡើងដោយប្រកាន់ខ្ជាប់ជានិច្ច នូវក្រមប្រតិបត្តិរបស់សិង្ហបុរី ។
វត្តមានរបស់ SCA នៅក្នងប្រទេសកម្ពុជា រួមជាមួយបទពិសោធន៍គម្រោងនៅកម្ពុជា ជាង ៧ឆ្នាំរបស់ Swan & Maclaren នាំមកនូវអភិក្រម និងសេវាកម្ម ដែលបំពេញឲ្យគ្នាទៅវិញទៅមក រវាងក្រុមហ៊ុនទាំងពីរ នៅក្នុងការអភិវឌ្ឍថ្នាក់តំបន់ និងអន្តរជាតិ ដែលផ្ដោតការយកចិត្តូទុកដាក់ ទៅលើអតិថិជននៅក្នុងទីផ្សារកម្ពុជា។ ការសហការនៅក្នុងភាពជាដៃគូ ដែលនឹងមានប្រសិទ្ធភាពអនុវត្តភ្លាមៗ នឹងអនុញ្ញាតឲ្យក្រុមហ៊ុនទាំងពីរ មានជំហរកាន់តែរឹងមាំនៅក្នុងប្រទេសកម្ពុជា។
លោក Darryl Ong នាយកនៅក្រុមហ៊ុន SCA បានអះអាងថា ការដាក់បញ្ចូលបន្ថែមនូវ Swan & Maclaren ថាមពល និងសេវាកម្ម របស់ SCA បានកើនឡើងទ្វេដងភ្លាមៗ»។ លោកបានបន្តទៀតថា សម័យកាលនៃការរីកចម្រើនតាមបែបធម្មតា គឺកន្លងហួសទៅហើយ ដោយ SCA ទាញយកប្រយោជន៍ ពីថាមពលនៃភាពជាដៃគូជាយុទ្ធសាស្ត្រ ផ្ដល់ប្រយោជន៍ដល់មនុស្សគ្រប់គ្នា ក្រុមហ៊ុនអាជីវកម្ម និយោជិត និថអតិថិជន។
បើតាម នាយកនៅក្រុមហ៊ុន SCA ក្រុមហ៊ុនអាជីវកម្ម អាចពង្រីកការផ្សព្វផ្សាយ ទៅដល់ទីផ្សារគោលដៅរបស់ពួកគេ និងជំរុញការយល់ដឹង អំពីម៉ាក។ ចំណែកឯអតិថិជន នឹងទទួលបានអត្ថប្រយោជន៍ពីភាពខ្លាំង និងការផ្ដល់ជូនដែលអង្គភាពនីមួយៗនាំមកជាមួយ ។ រីឯនិយោជិត នឹងអាចពង្រីកសមត្ថភាពអភិវឌ្ឍន៍របស់ពួកគេ ដោយការទាញយកប្រយោជន៍ ពីការឆ្លងកាត់នូវទស្សនវិស័យ និងជំនាញឯទេស ខាងឧស្សាហកម្មថ្មីៗ។ លោក Darryl Ong នាយកនៅក្រុមហ៊ុន SCA បន្តដូច្នេះ៖«ទំនាក់ទំនងកាន់តែស៊ីជម្រៅ រវាងអាជីវកម្មដែលបំពេញឲ្យគ្នាទៅវិញទៅមក នឹងពង្រឹងកិច្ចសហការឲ្យកាន់តែរឹងមាំ និងយូរអង្វែង ដែលអនុញ្ញាតឲ្យ ក្រុមហ៊ុនផ្ដល់ជូននូវដំណោះស្រាយ ដែលផ្ដល់ថាមពលដល់អតិថិជនរបស់ពួកគេ ឲ្យទទួលបានជោគជ័យ។ Swan & Maclaren ពិតជាមានភាពស័ក្ដិសមបំផុត »។
លោក Ryan Chin ជានាយកនៅ SCA បានមានប្រសាសន៍ថា៖«នៅពេលដែលអតិថិជនរបស់យើង បន្តជំរុញឲ្យមានដែនកំណត់ នៃការសិក្សាគម្រោងប្លង់ នោះភាពសម្បូរបែប នៃការផ្ដល់ជូនរបស់ SCA អនុញ្ញាតឲ្យយើង ពង្រីកបន្ថែមនូវសមត្ថភាពក៏ដូចជាទំនាក់ទំនង។ ដោយការធ្វើដំណើរជាមួយ Swan & Maclaren យើងមានក្ដីរំភើបចំពោះ សេវាកម្មជាច្រើន ដែលយើងអាចផ្ដល់ជូនអតិថិជនរបស់យើង ប្រកបដោយទំនុកចិត្ត»។
លោក Matthew Hon នាយកនៅក្រុមងហ៊ុន Swan & Maclaren មានប្រសាសន៍ថា៖«Swan & Maclaren មានការរំភើបខ្លាំង ចំពោះកិច្ចសហការនេះ ហើយនេះ នឹងពង្រឹងយ៉ាងខ្លាំងនូវគោលការណ៍ដ៏ល្បីល្បាញ គឺការប្រមូលផ្ដុំគ្នា ជាការចាប់ផ្ដើមរូមរស់ជាមួយគ្នា ជាវឌ្ឍនភាពនិងធ្វើការរួមគ្នាជាជោគជ័យ។ ដោយការប្រតិបត្តិបែបនេះ យើងអាចឈានដល់កម្រិតសេវាកម្ម កាន់តែខ្ពស់ និងផ្ដល់ដល់អតិថិជនទាំងអស់របស់យើង»។
អំពី Swan & Maclaren
ដោយបានបង្កើតឡើងនៅក្នុងឆ្នាំ១៩៨២ Swan & Maclaren គឺជាក្រុមហ៊ុនស្ថាបត្យកម្មចំណាស់ជាងគេបំផុត នៅក្នុងប្រទេសសិង្ហបុរី ។ អស់រយៈពេលជាង ១២៨ ឆ្នាំមកហើយដែលក្រុមហ៊ុននេះ មានការលេចធ្លោនៅក្នុងកិច្ចប្រតិបត្តិការ រហូតបានឈ្នះពានរង្វាន់ស្នាដៃការងារជាច្រើន ដូចជា សណ្ឋាគារ Raffles (សិង្ហបុរី) សណ្ឋាគារ Goodwood Park (សិង្ហបុរី) ធនាគារហុងកុង សៀងហៃ (សិង្ហបុរី) ជាដើម ។ បច្ចុប្បន្ន Swan & Maclaren ណោតែបន្តកសាងកេរ្តិ៍ឈ្មោះកាន់តែខ្លាំងនៅទូទាំងតំបន់អាស៊ី លើការរៀបចំប្លង់មេអគារ និងការអភិវឌ្ឍន៍ចម្រុះជាមួយនឹងកំណើនគម្រោង រហូតដល់ឃ់គមាន Swan & Malcaren នៅក្នុងបណ្ដាប្រទេសជាង២០ និងបង្កើតការិយាល័យប្រចាំតំបន់ចំនួន៧ នៅតំបន់អាស៊ីអាគ្នេយ៍ ។ គម្រោងដែលគួរឲ្យក់សម្គាល់នាពេលថ្មីៗនេះ រួមមាន៖ គម្រោងពង្រីកផ្នែកវេជ្ជសាស្ត្រ របស់ Raffles (សិង្ហបុរី), GSH ផ្លាហ្សា (សិង្ហបុរី) ផ្សារទំនើប Ipoh Parade (ម៉ាឡេស៊ី) មន្ទីរពេទ្យ Raffles ឆុងឈីង (ប្រទេសចិន), Accor Novotel Suites Dalat (វៀតណាម), Euroville ភ្នំពេញ (កម្ពុជា) និងអគារខុនដូ Royal Platinum (កម្ពុជា)។
ទំហំនៃការអភិវឌ្ឍន៍នេះ បានអនុញ្ញាតឲ្យក្រុមហ៊ុន ផ្ដល់នូវសេវាកម្មយ៉ាងពេញលេញ ដើម្បីបំពេញទៅតាមតម្រូវការ របស់អតិថិជន នៅក្នុងប្រទេសសិង្ហបុរី ម៉ាឡេស៊ី ចិន វៀតណាម ថៃ និងកម្ពុជា។
អំពី SCA
SCA គឺជាផ្នែកមួយ នៃសម្ព័ន្ធក្រុមហ៊ុន Soho Living Group (ប្រហែលនៅឆ្នាំ២០០៩)។ ចាប់តាំងពីពេលនោះមក SCA បានរីកចម្រើនយ៉ាងខ្លាំងពេញមួយឆ្នាំៗ។ ទីស្នាក់ការកណ្ដាលរបស់ SCA ស្ថិតនៅប្រទេសសិង្ហបុរី ជាមួយនឹងការិយាល័យរណប នៅក្នុងប្រទេសម៉ាឡេស៊ី ថៃ និងកម្ពុជា។
SCA រក្សានូវសេវាកម្មដ៏សម្បូរបែប ជាមួយជំនាញឯកទេស លើស្ថាបត្យកម្មផ្នែកខាងក្នុងអគារការសិក្សាគម្រោងប្លង់ និងសាងសង់សំណង់ និងការបំពាក់សម្ភារបរិក្ខា សម្រាប់គម្រោងសាជីវកម្ម បដិសណ្ឋារកិច្ច លំនៅដ្ឋានអាជីវកម្មលក់រាយ និងគម្រោងចម្រុះ។
លើសពីនេះ ផ្នែកអភិវឌ្ឍន៍អចលនទ្រព្យរបស់ SCA គឺជាសេវាផ្ដល់ប្រឹក្សាមួយ ដែលមានឯកទេស ក្នុងការវិនិយោគរួមចម្រុះ រវាងម្ចាស់អចលនទ្រព្យ និងវិនិយោគិន ក្នុងវិស័យស្ថាបត្យកម្ម៕
(អត្ថបទពាណិជ្ជកម្ម)