រថយន្ត
អន្តរជាតិ
×![]()
ដោយ: ធីតា
កាលពីអំឡុងពេលនៃការតាំងពិព័រណ៌ Frankfurt Auto Show ឆ្នាំ២០១៩ Lamborghini បានបង្ហាញម៉ូឌែលរថយន្ត Sian ដែលជាប្រភេទកំពូលរថយន្តកូនកាត់លើកដំបូងបង្អស់របស់ក្រុមហ៊ុនអ៊ីតាលីមួយនេះ។ យោងតាមការផ្សាយរបស់ Car Buzz រថយន្តប្រភេទនេះ មានប្រមាណប៉ុណ្ណោះ ដែលមានតម្លៃក្នុងខ្ទង់៣.៧លានដុល្លារអាមេរិក។ ជាមួយគ្នា ក្រុមហ៊ុន Lego Technic ដែលជាដៃគូសហការ បានបង្កើតគំរូរថយន្ត Laamborghini Sian FKP 37 តាមរយៈការផ្គុំជ័រ Lego ចំនួន៣ ៦៩៦បំណែក ដែលក្នុង១គ្រឿង មានតម្លៃប្រមាណ៤០០ដុល្លារអាមេរិក។
Lamborghini Sian FKP 37 បានក្លាយជាម៉ូដែលរថយន្តទីបី ដែលក្រុមហ៊ុន Lego Technic Ultimate រចនាតាមរយៈការផ្គុំជ័រ Lego ឲ្យដូចជារថយន្តពិតប្រាកដ ពោលគឺបន្ទាប់ពី Porshe 911 GT3 RS និង Bugatti Chiron។ រថយន្តដែលផ្គុំនេះ មានកំពស់១៣សង់ទីម៉ែត្រ ប្រវែង៦០សង់ទីម៉ែត្រ និងបណ្តោយ២៥សង់ទីម៉ែត្រ៕
© រក្សាសិទ្ធិដោយ thmeythmey.com
