COVID-19
កីឡាអន្តរជាតិ
អន្តរជាតិ
កីឡាករ១៦នាក់ក្នុងក្លិបបាល់ទាត់កំពូលប្រេស៊ីល Vasco da Gama ឆ្លង COVID-19
×![]()
ដោយ: ទេព ពិទូរ្យ
ក្រុម Vasco da Gama នៃលីគកីឡាបាល់ទាត់កំពូលប្រេស៊ីល នៅថ្ងៃទី ៣១ ខែឧសភា អះអាងថាមានកីឡាកររបស់ខ្លួនចំនួន១៦នាក់បានធ្វើតេស្តចេញលទ្ធផលវិជ្ជជំងឺ COVID-19។ ដំណឹងនេះ កើតឡើងមួយថ្ងៃប៉ុណ្ណោះមុនពេលក្លិបក្នុងក្រុងរីយ៉ូ គ្រោងនឹងចាប់ផ្តើមហ្វឹកហាត់ឡើងវិញបន្ទាប់ពីផ្អាករយៈពេល២ខែមក។
ក្លិបនៅប្រេស៊ីល Serie A មួយនេះបានបញ្ជាក់ថា កីឡាករ១៦នាក់ក្នុងចំណោម៤៣នាក់ដែលត្រូវបានធ្វើតេស្តរកឃើញថាឆ្លង COVID-19 នឹងត្រូវដាក់ឲ្យនៅដាច់ដោយឡែក។ ក្នុងចំណោមនោះ មានបីនាក់ទៀតបានជាសះស្បើយពីជំងឺរាតត្បាតសកលនេះហើយ។
Vasco da Gama បានចេញសេចក្តីការណ៍មួយថា៖«នេះគ្រាន់តែជាការបង្ហាញឲ្យឃើញថាយើងកំពុងចាត់វិធានការដ៏អស្ចារ្យ ដើម្បីកំណត់អត្តសញ្ញាណការឆ្លងលើកីឡាកររបស់យើងឲ្យបានលឿនតាមដែលអាចធ្វើទៅបាន។ ការធ្វើបែបនេះគឺអនុញ្ញាតឲ្យយើងអាចបញ្ឈប់ការរីករាលដាលជំងឺរាតត្បាតនេះបាន»។
កីឡាករដែលមានមូលដ្ឋាននៅក្រុងរីយ៉ូនឹងតម្រូវឲ្យឆ្លងកាត់ការធ្វើតេស្ត និងអនុវត្តការហ្វឹកហាត់ឡើងវិញចាប់ពីថ្ងៃទី១ ខែមិថុនា ប៉ុន្តែការប្រាស័យទាក់ទងគ្នាអំឡុងពេលហ្វឹកហាត់ មិនទានើត្រូវបានអនុញ្ញាតនៅឡើយទេ។ ដោយឡែក ក្រុមនៅរដ្ឋផ្សេងទៀតនៅប្រេស៊ីល មិនទាន់បានកំណត់ថា តើក្រុមរបស់ពួកគេអាចចាប់ផ្តើមការហ្វឹកហាត់ពេញលេញនៅពេលណាដែរ។
គិតត្រឹមថ្ងៃទី១ ខែមិថុនា ប្រេស៊ីលមានចំនួនអ្នកឆ្លង COVID-19 ជាង៥សែនករណី ក្នុងនោះអ្នកស្លាប់ជិត៣ម៉ឺននាក់ ដែលជាចំនួនខ្ពស់បំផុតលំដាប់ទី៤ លើចំនួនអ្នកស្លាប់បន្ទាប់ពីរដ្ឋអាមេរិក អង់គ្លេស និងអ៊ីតាលី៕
Tag:
Vasco da Gama
COVID-19
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
