ONE Championship
កីឡាអន្តរជាតិ
ម្ចាស់ខ្សែក្រវាត់ពិភពលោក Giorgio Petrosyan សាកគ្នាជាមួយតារាហីបហប់អ៊ីតាលី Tony Effe
× Giorgio Petrosyan ឬ ឈ្មោះក្រៅ “The Doctor” ដែលជាម្ចាស់ខ្សែក្រវាត់ ONE Featherweight Kickboxing World Grand Prix Champion បានស្វាគមន៍ដៃគូហ្វឹកហាត់ថ្មី គឺ Tony Effe ។ Effe ជាសមាជិកតារាហីបហប់នៅក្រុម Dark Polo Gang របស់អ៊ីតាលី។ ការហ្វឹកហាត់នេះធ្វើឡើងដោយសារតែតារាហីបហប់វ័យ ២៩ ឆ្នាំចង់ក្រេបយកចំណេះដឹងផ្នែកក្បាច់គុនពីម្ចាស់ខ្សែក្រវាត់លំដាប់ពិភពលោក និង ចង់បង្ហាញអំពីការអភិវឌ្ឍជំនាញក្បាច់ឃីកបុកសីង (Kickboxing) របស់ខ្លួនផងដែរ។
“The Doctor” ពិតជារីករាយណាស់ដែលបានឡាំគ្នា និងបានធ្វើឲ្យតារាចម្រៀងហីបហប់មានភាពក្លៀវក្លាលើក្បាច់គុនឃីកបុកសីង។ មើលទៅការសមគ្នានេះពិតជាល្អណាស់សម្រាប់បុរសសមាជិកក្រុម Dark Polo Gang ដែលបញ្ចេញក្បាច់ខាវឆ្វេងស្ដាំស្រដៀងនឹងកីឡាករអាជីពអីចឹង។ Effe មិនអាចរកគ្រូណាល្អប្រសើរជាងមិត្តរួមជាតិរបស់ខ្លួនឡើយ។ តារាប្រដាល់កូនកាត់អាមេនី-អ៊ីតាលី គឺជាជើងខ្លាំងលំដាប់ពិភពលោកម្នាក់ ហើយការបានចំណាយពេលហ្វឹកហាត់ជាមួយអ្នកលេងឃីកបុកសីងលំដាប់ពិភពមួយនេះគឺជារឿងដ៏ពិសេសបំផុត។ ដ្បិតតែជាការឡាំគ្នា និង ការហ្វឹកហាត់ ប៉ុន្តែ Effe ចង់ប្រើកណ្ដាប់ដៃឲ្យខ្លាំងដូច Petrosyan អីចឹង។
គួរដឹងថា Petrosyan ឈ្នះខ្សែក្រវាត់ ONE Featherweight Kickboxing World Grand Prix Champion ក្រោយឈ្នះពិន្ទុជើងខ្លាំងសញ្ជាតិបារាំង Samy Sana នៅវគ្គផ្ដាច់ព្រ័ត្រកាលខែ តុលា ឆ្នាំ ២០១៩ នៅកម្មវិធី ONE: CENTURY នាក្រុងតូក្យូប្រទេសជប៉ុន។ Petrosyan មានកំណត់ត្រាប្រកួត ១០៨ លើកក្នុងនោះឈ្នះ រហូតដល់ ១០២ ដង ចាញ់ ២ដង និង ស្មើ ២ដង។ ជាពិសេសរូបគេផ្ដួលដៃគូឲ្យសន្លប់ចំនួន ៤១ ដង។ ចំណែក ១៨ ប្រកួតចុងក្រោយ Petrosyan ធ្វើអស្ចារ្យខ្លាំងណាស់ដោយគូប្រកួតរហូត៕
វីដេអូឡាំគ្នា ៖
© រក្សាសិទ្ធិដោយ thmeythmey.com