COVID-19
អន្តរជាតិ
COVID-19៖ ឥណ្ឌា មានអត្រាឆ្លងលើសអ៊ីតាលី
× ការឆ្លងជាង១២០០ករណីបន្ថែមទៀត នាំឲ្យឥណ្ឌាឡើងឈរលេខរៀងទី៦ជំនួសអ៊ីតាលីលើករណីឆ្លង COVID-19។ បច្ចុប្បន្ន ឥណ្ឌាមានអ្នកឆ្លងសរុប ២៣៧ ៣៩៥នាក់ ខណៈអ៊ីតាលី មាន២៣៤ ៥៣១នាក់។ នេះបើយោងតាមតួលេខដែលប្រមូលដោយសាកលវិទ្យាល័យអាមេរិក Johns Hopkins។
ករណីឆ្លងនៅឥណ្ឌា ភាគច្រើនស្ថិតនៅតំបន់ជនបទ ជាពិសេសការវិលត្រឡប់ទៅកាន់ស្រុកកំណើតវិញរបស់បណ្តាអ្នកអត់ការងារធ្វើនៅក្នុងទីក្រុង ដោយសារតែការបិទប្រទេស។ ក្នុងចំណោមអ្នកឆ្លងជិត ២៤០ ០០០នាក់នៅឥណ្ឌា មាន៦៦៥០នាក់ស្លាប់ និង១១៤ ០៧៣នាក់ សះស្បើយ។
ពិភពលោកទាំងមូល មានអ្នកឆ្លងជិត៦.៩លាននាក់ ស្លាប់ជិត៤០ម៉ឺននាក់ និងសះស្បើយជាង៣.៣លាននាក់។ សហរដ្ឋអាមេរិក បន្តនាំមុខគេដោយមានករណីឆ្លងជិត២លាន បន្ទាប់មក ប្រេស៊ីល រុស្ស៊ី អេស្ប៉ាញ និងចក្រភពអង់គ្លេស។ ចិនបច្ចុប្បន្នស្ថិតនៅលេខរៀងទី១៨៕
© រក្សាសិទ្ធិដោយ thmeythmey.com