COVID-19
កីឡាអន្តរជាតិ
អន្តរជាតិ
គ្មានអ្នកឆ្លង COVID-19 ក្នុងការធ្វើតេស្តចុងក្រោយនៅ Premier League ឡើយ
× មិនមានលទ្ធផលវិជ្ជមានជំងឺ COVID-19 ឡើយក្រោយការធ្វើតេស្តលើកចុងក្រោយលើមនុស្សចំនួន ១១៩៥ ក្នុងក្របខណ្ឌ Premier League។
ការធ្វើតេស្តរកជំងឺរលាកសួតបង្កដោយកូរ៉ូណាវីរុសប្រភេទថ្មី ជុំទី ៦ ក្រោមការនុវត្តន៍គោលការតេស្តពីរដងក្នុងមួយសប្តាហ៍លើកីឡាករ និងបុគ្គលិកក្លិបទាំង២០នៃលីគកំពូលអង់ក្លេសបានធ្វើឡើងនៅថ្ងៃទី៤ និងទី៥ ខែមិថុនា។ កាលពីជុំទី៥ មានលទ្ធផលតេស្តវិជ្ជមានតែម្នាក់ប៉ុណ្តោះ ដែលសរុបមកទល់ពេលនេះមានចំនួនអ្នកឆ្លង១៣នាក់។
លទ្ធផលដ៏គាប់ប្រសើរនេះកើតឡើងស្របពេល Premier League ដែលផ្អាកការប្រកួតតាំងពីថ្ងៃទី១៣ ខែមីនានោះ ប្រកាសបន្តបើកទ្វារប្រកួតឡើងវិញនៅថ្ងៃទី១៧ ខែមិថុនា ដោយក្រុម Aston Villa ដែលត្រូវប៉ះ Sheffield United ខណៈ Manchester City ទទួល Arsenal នឹងចាប់ផ្តើមមុខគេ។ យ៉ាងណាក៏ដោយ បើទោះជាតេស្តរកមិនឃើញថាឆ្លង COVID1-9 ទៀតក្តី ការប្រកួតរដូវកាលដែលនៅសេសសល់នឹងធ្វើឡើងដោយបិទទ្វារកីឡដ្ឋានដដែល។
ហង្សក្រហម Liverpool នាំមុខគេដល់ទៅ២៥ពិន្ទុក្នុងតារាងលីគកំពូលអង់គ្លេស ខណៈ Bournemouth, Aston Villa និង Norwich City ស្ថិតក្នុងតំបន់កាត់ចោល។ Premier League នៅសល់ការប្រកួតសរុបចំនួន ៩២ លើកទៀតនឹងបញ្ចប់រដូវកាលនេះ៕
Tag:
Premier League
COVID-19
© រក្សាសិទ្ធិដោយ thmeythmey.com