ពីនេះ ពីនោះ
សុខភាព
ស្គាល់តែបៃតង Matcha ឬអត់? ល្អចំពោះសុខភាពទប់ស្កាត់ជំងឺសាហាវៗ
× ទោះបីជាស្គាល់និងឧស្សាហ៍ទទួលទានញឹកញាប់ក៏ដោយ ក៏ភាគច្រើននៃពួកយើងប្រហែលជាមិនធ្លាប់ចាប់អារម្មណ៍ទេថាតែបៃតង Matcha អាចផ្ដល់អត្ថប្រយោជន៍ស្មានមិនដល់ចំពោះសុខភាព។ ថាតើតែបៃតង Matcha ល្អយ៉ាងណាខ្លះទៅ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីមូលហេតុដែលអ្នកគួរព្យាយាមទទួលទានតែបៃតង Matcha ៖
១. បង្កើនថាមពល
តែបៃតង Matcha មានផ្ទុកជាតិកាហ្វេអ៊ីនសុខភាពល្អដែលខុសពីប្រភេទក្នុងកាហ្វេធម្មតា។ កាហ្វេអ៊ីនក្នុងតែបៃតង Matcha ក៏ត្រូវបានស្គាល់ជាសារធាតុ theophylline ដែលជួយផ្ដល់ថាមពលបន្ថែមដល់រាងកាយដោយមិនជះផលប៉ះពាល់ណាមួយឡើយ។
២. បន្សាបជាតិពុលក្នុងរាងកាយ
នេះក៏ព្រោះតែតែបៃតង Matcha មានផ្ទុកសម្បូរទៅដោយសារធាតុក្លរ៉ូភីលច្រើនជាងតែបៃតងធម្មតា។ ហើយក្លរ៉ូភីលមានប្រសិទ្ធភាពបន្សាបជាតិពុលក្នុងរាងកាយបានយ៉ាងប្រសើរ។
៣. កាត់បន្ថយហានិភ័យនៃជំងឺមហារីក
តែបៃតង Matcha មានផ្ទុកសម្បូរទៅដោយសារធាតុប្រឆាំងអុកស៊ីតកម្មនិងជាពិសេស គឺ epigallocatechin-3-gallate ដែលជួយកាត់បន្ថយហានិភ័យនៃជំងឺមហារីកគួរឱ្យកត់សម្គាល់។
៤. ជួយឱ្យស្រកទម្ងន់
តែបៃតង Matcha ក៏ជាប្រភពដ៏ប្រសើរនៃសារធាតុ catechins ដែលជួយបង្កើនការដុតបំផ្លាញកាឡូរី ឬជាតិខ្លាញ់ជួយឱ្យស្រកទម្ងន់។
៥. ពង្រឹងសុខភាពបេះដូង
សមាសធាតុ epigallocatechin gallate ដែលមានវត្តមានក្នុងតែបៃតង Matcha ជួយពង្រឹងសុខភាពសសៃឈាមបេះដូងគួរឱ្យកត់សម្គាល់ដោយរក្សាកម្រិតត្រឹមត្រូវនៃកូឡេស្តេរ៉ូល៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com