ជាតិ
សង្គមជាតិ
២៥ខេត្ត/រាជធានី
«ប្រាសាទដំរីក្រាប» នៅកណ្ដាលព្រៃលើភ្នំគូលែន ដែលអ្នកទេសចរមិនសូវទៅដល់...
×![]()
សៀមរាប៖ «ប្រាសាទដំរីក្រាប» ឬ «ប្រាសាទក្របីក្រាប» ជាប្រាសាទមួយ ស្ថិតក្នុងដែនដីអតីតរាជធានីបុរាណមហិន្ទ្របពត៌លើខ្នងភ្នំគូលែន។ បច្ចុប្បន្ន ប្រាសាទដំរីក្រាប មានទីតាំងនៅភូមិអន្លង់ធំ ឃុំខ្នងភ្នំ ស្រុកស្វាយលើ ខេត្តសៀមរាប។ 
ប្រាសាទដំរីក្រាប មានស្ថិតនៅមិនឆ្ងាយពីស្រះដំរីនោះទេ។ ប្រាសាទដែលមានអាយុកាលរាប់រយឆ្នាំនេះ បានឈរបង្អួតសម្រស់យ៉ាងស្រស់ត្រកាលនាខ្នងភ្នំគូលែន ដែលភ្ញៀវទេសចរមួយចំនួន មិនសូវទៅដល់។ ដើម្បីធ្វើដំណើរទៅដល់ ភ្ញៀវទេសចរជាតិ និងអន្តរជាតិ ត្រូវធ្វើដំណើរតាមម៉ូតូដែលដឹកដោយប្រជាសហគមន៍នៅលើខ្នងភ្នំគូលែន។
លោក លឹម វណ្ណច័ន្ទ បុរាណវិទូ បញ្ជាក់ថា៖ «ប្រាសាទដំរីក្រាប ត្រូវបានកសាងនៅចុងសតវត្សទី៨ ដើមសតវត្សទី៩ ដែលធ្វើអំពីឥដ្ឋ មានតួប៉មបីសង់លើខឿនថ្មបាយក្រៀម»។ បុរាណវិទូរូបនេះ បន្តថា ប្រាសាទដំរីក្រាប កសាងដើម្បីឧទ្ទិសដល់ព្រហ្មញ្ញសាសនា។
សូមអញ្ជើញទស្សនាបទសម្ភាសរវាងកញ្ញា ញឹក ស្រីល័ក្ខ អ្នកសារព័ត៌មាន ThmeyThmey25 ជាមួយលោក លឹម វណ្ណច័ន្ទ អ្នកបុរាណវិទ្យាដូចតទៅ៖
បើតាមស្លាកព័ត៌មាននៅទីតាំង «ប្រាសាទដំរីក្រាប» តួប៉មពីរនៅសងខាងតួប៉មកណ្ដាលបានរលំបាក់សល់ត្រឹមមេទ្វារ និងមួយទៀត ត្រឹមខឿន ចំណែកឯតួប៉មកណ្ដាលមានសភាពល្អច្រើន។ រីឯហោជាងធ្វើពីឥដ្ឋបាក់បែកផ្នែកខ្លះ និងមានបន្សល់ស្លាកស្នាមបិទបាយអ។ នៅផ្នែកខ្លះ នៃតួប្រាសាទមានក្បាច់លម្អផ្សេងៗ។
សូមអរគុណដល់ Cambodia Amazing Trip Planner ដែលបាននាំក្រុមការងារសារព័ត៌មានថ្មីៗ២៥រាជធានី-ខេត្ត ទៅកាន់ប្រាសាទដំរីក្រាប៕
Tag:
សៀមរាប
ទេសចរណ៍
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
