ជាតិ
គ.ជ.ប នឹងបំផ្លាញសន្លឹកឆ្នោត ពីឆ្នាំ២០១២ ដល់២០១៧ នៅថ្ងៃទី២៤ មិថុនា
×![]()
ដោយ: ធឿន បញ្ញាឬទិ្ធ
ភ្នំពេញ៖ សន្លឹកឆ្នោតដែលបានប្រើប្រាស់រួច ចាប់តាំងពីឆ្នាំ២០១២ ដល់ឆ្នាំ២០១៧ នៅត្រូវបំផ្លាញចោល នៅខណ្ឌទួលគោក នាថ្ងៃទី២៤ មិថុនា ។ នេះបើតាមគណៈកម្មាធិការជាតិរៀបចំការបោះឆ្នោត (គ.ជ.ប)។
សន្លឹកឆ្នោត ដែលត្រូវបំផ្លាញចោលនេះ គឺប្រើប្រាស់ក្នុងការបោះឆ្នោតជ្រើសតាំងតំណាងរាស្ត្រអាណត្តិនីមួយៗ ក្រោយពីរក្សាទុកដោយសុវត្ថិភាពអស់រយៈពេល៦ឆ្នាំ និងសន្លឹកឆ្លោត ដែលបានប្រើប្រាស់ក្នុងការបោះឆ្នោតជ្រើសរើសក្រុមប្រឹក្សាឃុំ សង្កាត់ តាមអាណត្តិនីមួយៗ បន្ទាប់ពីរក្សាទុកអស់៣ឆ្នាំដែរ។
សន្លឹកឆ្នោតដែលត្រូវបំផ្លាញនោះរួមមាន៖ សន្លឹកឆ្នោតដែលបានប្រើប្រាស់រួច ក្នុងការបោះឆ្នោតជ្រើសតាំងសមាជិកព្រឹទ្ធសភា ឆ្នាំ២០១២ , សន្លឹកឆ្នោតដែលបានប្រើប្រាស់រួច ក្នុងការបោះឆ្នោតជ្រើសតាំងតំណាងរាស្ត្រឆ្នាំ២០១៣, សន្លឹកឆ្នោតដែលបានប្រើប្រាស់រួច ក្នុងការបោះឆ្នោតជ្រើសរើសក្រុមប្រឹក្សាឃុំ សង្កាត់ ឆ្នាំ២០១៤ និងសន្លឹកឆ្នោតដែលបានប្រើប្រាស់រួច ក្នុងការបោះឆ្នោតជ្រើសក្រុមប្រឹក្សាឃុំ សង្កាត់ ឆ្នាំ២០១៧។
គួរបញ្ជាក់ថា គណៈកម្មាធិការជាតិរៀបចំការបោះឆ្នោត រៀបចំបំផ្លាញសន្លឹកឆ្នោតនេះ ជាលើកទី៤ហើយ ចាប់តាំងពីកម្ពុជារៀបចំដំណើរការបោះឆ្នោត ដោយខ្លួនឯងនៅឆ្នាំ១៩៩៨ មក៕
Tag:
គ.ជ.ប
បោះឆ្នោត
© រក្សាសិទ្ធិដោយ thmeythmey.com
