កីឡាអន្តរជាតិ
អន្តរជាតិ
អូស្ត្រាលី និងនូវែលសេឡង់ ទទួលសិទ្ធិធ្វើម្ចាស់ផ្ទះ World Cup 2023 នារីរួមគ្នា
×![]()
ដោយ: ទេព ពិទូរ្យ
អូស្ត្រាលី និងនូវែលសេឡង់ ឈ្នះការដេញថ្លៃរួមគ្នាដើម្បីរៀបចំធ្វើម្ចាស់ផ្ទះពានរង្វាន់កីឡាបាល់ទាត់ពិភពលោក World Cup ផ្នែកនារី ឆ្នាំ២០២៣។ នេះបើតាមការប្រកាសរបស់សហព័ន្ធកីឡាបាល់ទាត់អន្តរជាតិ (FIFA) នៅថ្ងៃទី២៥ ខែមិថុនា។
ការចូលរួមដេញថ្លៃ World Cup នារី ឆ្នាំ២០២៣ កូឡុំប៊ីជាគូប្រជែងនាំមុខគេតែមួយគត់បន្ទាប់ពីប្រេស៊ីល និងជប៉ុនបានធ្លាក់ចេញពីការប្រកួតកាលពីដើមខែមិថុនាម្លេះ។ អ្វីដែលពិសេសទៅទៀត ព្រឹត្តិកាណ៍ World Cup ឆ្នាំ ២០២៣ បានកែប្រែរបៀបលេងថ្មីដំបូងគេបង្អស់ដោយកើន ដល់៣២ក្រុម ក្នុងចំណោមការប្រកួតរបស់ក្រុមស្ត្រីដែលធ្លាប់មានត្រឹម២៤ក្រុម។
ការដេញថ្លៃរបស់អូស្ត្រាលី និងនូវែលសេឡង់ទទួលបាន ២២ សំឡេង ក្នុងចំណោម ៣៥ សំឡេងនៃសមាជិកទាំង ៣៥ ខណៈកូឡុំប៊ីទទួលបាន ១៣ សំឡេង។ អនុប្រធាន FIFA លោក Greg Clarke បានបោះឆ្នោតឲ្យឡុំប៊ី ដូចសមាជិករបស់ UEFA ចំនួន ៨ រូបផ្សេងទៀតដែរ។
លោក Gianni Infantino ប្រធាន FIFA បានលើកឡើងក្រោយសម្រេចឲ្យអូស្ត្រាលី និងនូវែលសេឡង់ឈ្នះថា៖ «ដំណើរការដេញថ្លៃនេះមានការប្រកួតប្រជែងខ្លាំង។ យើងសូមអរគុណដល់អ្នកចូលរួមដេញថ្លៃទាំងពីរចំពោះការងារគួរឲ្យកត់សម្គាល់របស់ពួកគេ។ ពួកគេពិតជាបានរៀបចំយ៉ាងល្អ»។
World Cup នារីកាលពីឆ្នាំ២០១៩ ប្រទេសបារាំងជាអ្នកទទួលបានសិទ្ធិរៀបចំ ដោយក្រុមជម្រើសជាតិអាមេរិកជាម្ចាស់ជើងឯក។ ដោយឡែក សម្រាប់ឆ្នាំ ២០២៣ ដែល ឲ្យអូស្ត្រាលី និងនូវែលសេឡង់ទទួលបានសិទ្ធិ គ្រោងចាប់ផ្តើមការប្រកួតប្រជែងពីខែកក្កដា ដល់ខែសីហាឆ្នាំ ២០២៣៕
Tag:
Women\'s World Cup
© រក្សាសិទ្ធិដោយ thmeythmey.com
