ជាតិ
ប្រធានមន្ទីរទេសចរណ៍ ចាត់ទុកខេត្តស្ទឹងត្រែង ជាបេះដូងនៃភូមិភាគឦសាន
×
ដោយ៖ ជឿន ស្រីណយ
លោក អ៊ន់ ប៉ោសឿន ប្រធានមន្ទីទេសចរណ៍ខេត្តស្ទឹងត្រែង បានហៅ ខេត្តស្ទឹងត្រែង ថាជាចំណុចកណ្ដាល ដែលប្រៀបដូចជាបេះដូងនៃភូមិភាគឦសាន ដោយសារតែហេដ្ឋារចនាសម្ព័ន្ធក្នុងខេត្តនេះ មានលក្ខណៈល្អប្រសើរ និងតភ្ជាប់ទៅកាន់បណ្តាខេត្តមួយចំនួន នៅក្នុងតំបន់ភូមិភាគឦសាន។
ដើម្បីជ្រាបច្បាស់ សូមលោកអ្នកនាង ទស្សនាវីដេអូ ដែលលោក អ៊ន់ ប៉ោសឿន ថ្លែងក្នុងសន្និសីទសារព័ត៌មានស្ដីពីវឌ្ឍនភាព និងទិសដៅការងារបន្តរបស់រដ្ឋបាលខេត្តស្ទឹងត្រែង នៅទីស្តីការគណៈរដ្ឋមន្ត្រី កាលពីថ្ងៃទី២៣ ខែមិថុនា ឆ្នាំ២០២០៖
លោក អ៊ន់ ប៉ោសឿន បន្ថែមថា ភ្ញៀវទេសចរដែលមានបំណងទៅកម្សាន្តនៅខេត្តស្ទឹងត្រែង គួរតែចំណាយពេលយ៉ាងហោចណាស់៣ថ្ងៃ២យប់ ដើម្បីទស្សនាតំបន់ទេសចរដ៏សម្បូរបែបដូចជា ស្រុកសៀមប៉ាង មានសក្ដានុពលទេសចរណ៍ដ៏ទាក់ទាញមួយ គឺ តំបន់អាហារដ្ឋានត្មាត ដែលជាតំបន់ទេសចរណ៍ធម្មជាតិ ដោយអ្នកដំណើរអាចបោះជំរំស្នាក់នៅ ដើម្បីផ្សារភ្ជាប់ខ្លួនជាមួយនឹងធម្មជាតិបាន និងមានសហគមន៍អេកូទេសចរណ៍៦កន្លែង។
សូមជម្រាបថា ខេត្តស្ទឹងត្រែងគឺជាខេត្តតែមួយគត់ក្នុងប្រទេសកម្ពុជា ដែលមានទន្លេ៤ ហូរកាត់គឺ ទន្លេមេគង្គ ទន្លេសាន ទន្លេកុង និង ទន្លេស្រែពក។ ទន្លេទាំង៤នេះ ជាប្រភពធនធានធម្មជាតិសម្បូរបែប ដែលជាមូលដ្ឋានតំបន់អេកូទេសចរណ៍៕
© រក្សាសិទ្ធិដោយ thmeythmey.com