COVID-19
ជាតិ
បុរសឥណ្ឌូណេស៊ីអាយុ២២ឆ្នាំ បានជាសះស្បើយពី COVID-19 ហើយ លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល។ រូបថត ThmeyThmey
× បុរសជនជាតិឥណ្ឌូណេស៊ី អាយុ២២ឆ្នាំ ដែលបានធ្វើដំណើរមកកម្ពុជាកាលពីថ្ងៃ២៥ ខែមិថុនា បានជាសះស្បើយពីជំងឺ COVID-19 ហើយ ក្រោយទទួលបានលទ្ធផលអវិជ្ជមាន២ដង។ នេះបើតាមការសេចក្តីជូនព័ត៌មានរបស់ក្រសួងសុខាភិបាលនាព្រឹកថ្ងៃទី១ ខែកក្កដា។
បុរសជនជាតិឥណ្ឌូណេស៊ី ដែលជាសះស្បើយពីជំងឺនោះ រស់នៅបណ្តោះអាសន្នក្នុងក្រុងព្រះសីហនុ និងជាអ្នកធ្វើដំណើរចូលមកកម្ពុជាតាមជើងហោះហើរត្រង់កាលពីថ្ងៃទី២៥ ខែមិថុនា រួមជាមួយអ្នកដំណើរសរុប៤០នាក់ ក្នុងនោះមានខ្មែរ២៤នាក់ វៀតណាម១នាក់ និងឥណ្ឌូណេស៊ី១៥នាក់។ ក្នុងចំណោម៤០នាក់នេះ មាន៩នាក់មានវិជ្ជមានកូវីដ-១៩ និង៣១នាក់ទៀតអវិជ្ជមានកូវីដ-១៩ ប៉ុន្តែត្រូវបានបន្តធ្វើចត្តាឡីស័ក។
គិតត្រឹមថ្ងៃទី១ ខែកក្កដា កម្ពុជាមានអ្នកឆ្លងចំនួន១៤១នាក់ ក្នុងនោះមានស្ត្រី៤០នាក់ និងបុរស១០១នាក់ ជាសះស្បើយចំនួន១៣១នាក់ និងសល់ចំនួន១០នាក់ទៀតកំពុងបន្តការព្យាបាល៕
© រក្សាសិទ្ធិដោយ thmeythmey.com