ជាតិ
×![]()
ពេលឮឈ្មោះ ភ្នំប្រុស-ភ្នំស្រី ប្រជាពលរដ្ឋខ្មែរ នឹងនឹកឃើញពីរឿងព្រេងបុរាណខ្មែរដែលនិយាយអំពីការចូលស្ដីដណ្តឹង។ តាមរយៈរឿងព្រេងបុរាណខ្មែរធ្វើឲ្យភ្ញៀវទេសចរជាតិ និងអន្តរជាតិជាច្រើនមានបំណងចង់ទៅកម្សាន្ត និងស្គាល់តំបន់រមណីយដ្ឋានវប្បធម៌ប្រវត្តិសាស្ត្រមួយនេះ។ 
មកដល់បច្ចុប្បន្នតំបន់រមណីយដ្ឋានវប្បធម៌ប្រវត្តិសាស្ត្រមួយនេះ បានក្លាយជាទីកម្សាន្ត បានទាក់ទាញភ្ញៀវទេសចរជាច្រើនដោយសារតែទេសចរ ចង់ស្គាល់តំបន់ទេសចរណ៍ក្នុងរឿងព្រេងខ្មែរមួយនេះ។ លោក សុធា ពេជ្រ មន្ត្រីនៃមន្ទីរទេសចរណ៍ខេត្តកំពង់ចាម លើកឡើងថា៖ «ចំណុចទាក់ទាញ គឺដោយសារនៅទីនោះជាតំបន់ទេសចរណ៍វប្បធម៌ប្រវត្តិសាស្ត្រ នៅទីនោះមានដើមឈើធំៗ និងសម្បូរសត្វស្វា»។ បើតាមលោក សុធា ពេជ្រ តំបន់ទេសចរណ៍ភ្នំប្រុស ភ្នំស្រីទទួលបានភ្ញៀវទេសចរប្រហែល ៧ម៉ឺននាក់ នៅក្នុងឆ្នាំ២០១៩។
ភ្នំប្រុស-ភ្នំស្រីជារមណីយដ្ឋានមួយស្ថិតនៅក្នុងភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាម ហើយស្ថិតនៅភាគខាងលិចនៃទីរួមខេត្តកំពង់ចាម ប្រមាណ ៧ គីឡូម៉ែត្រ។ ភ្នំមួយគូនេះ បានបង្កើតជារឿងនិទានទាក់ទងនឹងការចូលស្តីដណឹ្តងកូនចៅ។ ជាពិសេសនោះ ភ្នំទាំងពីរនេះ ក៏ជានិមិត្តរូបនៃបញ្ញានិងការអត់ធ្មត់របស់ស្ត្រី ផងដែរ៕
រូបភាពពី៖ មន្រ្តីមន្ទីរទេសចរណ៍ខេត្តកំពង់ចាម និងថ្មីៗ
ព័ត៌មានក្នុង ThmeyThmey25:
© រក្សាសិទ្ធិដោយ thmeythmey.com
