ជាតិ
២៥ខេត្ត/រាជធានី
ចៅហ្វាយខេត្តមណ្ឌលគិរី និងរតនគិរី បង្ហាញពីសក្តានុពលដំណាំកសិឧស្សាហកម្មនៅទឹកដីខ្លួន
លោក ស្វាយ សំអ៊ាង (ឆ្វេង) នាសន្និសីទសារព័ត៌មាននៅទីស្តីការគណៈរដ្ឋមន្ត្រីកាលពីថ្ងៃទី១៦ ខែកក្កដា និងលោក ថង សាវុន អភិបាលខេត្តរតនគិរី នាថ្ងៃទី១៣ ខែក្កដា។ រូបថត ផាត់ ដាណ និងប៉ាន់ បូនី
×![]()
នាសន្និសីទសារព័ត៌មានស្តីពីវឌ្ឍនភាព និងទិសដៅការងារបន្តរបស់ខេត្តនៅថ្ងៃទី១៦ ខែកក្កដា លោក ស្វាយ សំអ៊ាង អភិបាលខេត្តមណ្ឌលគិរី បានលើកឡើងពីអំណោយផលនៃការដាំដុះដំណាំកសិឧស្សាហកម្មនៅមូលដ្ឋានខ្លួន។ អំណះអំណាងនេះ ក៏មិនខុសពី លោក ថង សាវុន អភិបាលខេត្តរតនគិរី នាសន្និសីទសារព័ត៌មានដែលរៀបចំដោយអង្គភាពអ្នកនាំពាក្យរដ្ឋាភិបាលដូចគ្នា កាលពីថ្ងៃទី១៣ ខែកក្កដា។
អភិបាលខេត្តមណ្ឌលគិរី និងរតនគិរី បានអះអាងថា ខេត្តរបស់ពួកលោក មានពលរដ្ឋ៨២ភាគរយពឹងផ្អែកលើវិស័យកសិកម្ម ហើយខេត្តភាគឦសានទាំងពីរនេះ មានសក្កានុពលខ្ពស់លើការដាំដុះដំណាំកសិឧស្សាហកម្ម ការចិញ្ចឹមសត្តជាលក្ខណៈគ្រួសារ និងបែបប្រពៃណី ជាដើម។
លោក ស្វាយ សំអ៊ាង អភិបាលខេត្តមណ្ឌលគិរី បានអះអាងថា មណ្ឌលគិរីមានលក្ខណៈពិសេសមួយប្លែកពីខេត្តជាច្រើនដែលពឹងផ្អែកលើវិស័យកម្មដែលអាចដាំដុះដំណាំ កសិឧស្សាហកម្មដូចជា ប័រ កាហ្វេ កៅស៊ូ ក្រូចវល្លិ៍ ជាដើម ក្រៅពីនោះក៏មានដំណាំស្រូវ បន្លែរួមផ្សំ ។
តាមរបាយការណ៍ មណ្ឌលគិរី មានផ្ទៃដីដាំដុះដំណាំស្រូវអនុវត្តបានសរុប ២២.៩៨៨ហិកតា ទិន្នផលជាមធ្យម ២,៩៨តោន/ហិកតា បរិមាណផលសរុប ៦៨.៥៦៥តោន ដែលក្នុងមួយឆ្នាំសល់ស្រូវចំនួន ៤០.០០០តោនសម្រាប់នាំចេញ។ ដោយឡែកដំណាំកៅស៊ូក្រុមហ៊ុនអនុវត្តបានចំនួន ៣១.២៣១,៩៨ហិកតា ផ្ទៃដីធ្វើអាជីវកម្មសរុបចំនួន ៥.២៨៦,៨២ហិកតា បរិមាណផលសរុប ៤.៨៦២.២៨តោន (ជ័រស្ងួត) ។
ដំណាំកៅស៊ូគ្រួសារអនុវត្តបានចំនួន ១១.៣០៥,៤៣ហិកតា ស្មើនឹង១.៥៨៩គ្រួសារ និងផ្ទៃដីធ្វើអាជីវកម្មសរុបចំនួន ៣.៣៩២,១៣ហិកតា បរិមាណផលសរុប ៣.៧៦៤.៦តោន(ជ័រស្ងួត) ស្មើនឹង ២០៧គ្រួសារ។
ក្រៅពីនោះមានដំណាំរួមផ្សំចំនួន ៥៦០ហិកតា លើដំណាំ ពោត និងបន្លែគ្រប់មុខ។ សម្រាប់ដំណាំឧស្សាហកម្មដូចជា សណ្តែកបាយ សណ្តែកដី សណ្តែកអង្គុយ ដំឡូងមី អនុវត្តបានសរុប ២០.៤៦៥ហិកតា និងដំណាំអចិន្ត្រៃយ៍អនុវត្តបានសរុប ៩.៦៤៦ហិកតា មាន ស្វាយចន្ទី កាហ្វេ ដូង ចេក ស្វាយ ប័រ ទុរេន សាវម៉ាវ ក្រូច ទៀប ជាដើម។
ខេត្តមណ្ឌលគិរីស្ថិតនៅភាគឦសាន មានចម្ងាយប្រមាណ ៣៨៣គីឡូម៉ែត្រពីរាជធានីភ្នំពេញ។ មានផ្ទៃដីសរុប ១៤.២៨៨គីឡូម៉ែត្រក្រឡា គ្របដណ្តប់ដោយព្រៃឈើ ប្រជុំភ្នំ និងខ្ពង់រាប សំបូរដោយជ្រលងដងអូរ។ មានពលរដ្ឋជាជនជាតិដើមភាគតិចចំនួន៨ ជនជាតិដូចជា ជនជាតិ ព្នង ក្រោល គ្រឹង ស្ទៀង ថ្មូន ទំពួន ចារាយ និង រដែរ ក្នុងនោះក្រៅពី៨២ភាគរយប្រកបរបរកសិកម្ម មាន ១៨ភាគរយប្រកបរបរសេវាកម្ម និងសិប្បកម្ម។
រីឯខេត្តរតនគិរីឯណោះវិញ លោកអភិបាលខេត្ត ថង សាវុន បានលើកឡើងថា ទោះបីក្នុងអំឡុងកូវីដ-១៩ ក៏ដោយ ប៉ុន្តែខេត្ត បានសម្របសម្រួលការដឹកជញ្ជូននូវកសិផលរបស់កសិករដូចធម្មតា។ ក្នុងឆ្នាំ២០១៩ កសិកម្ម បានសម្រេចលើការដាំដំណាំលើផ្ទៃដីសរុប ១៦៨ ៥៤៣ហិកតា មានដំណាំស្រូវ ២៦ ៧២៧ហិកតា ទទួលបានទិន្នផល ២ ៣១៩តោនក្នុង១ហិកតា។
ដំណាំកៅស៊ូលក្ខណៈគ្រួសារ និងកៅស៊ូឧស្សាហកម្មមាន ៦៥ ៩៣៧ហិកតា ដំណាំស្វាយចន្ទី ៣៩ ៧៨៤ហិកតា ដំណាំម្រេច ៩១២ហិកតា និងក្រៅពីនេះមានដំណាំរួមផ្សំនិងដំណាំឧស្សាហកម្មប្រចាំរដូវ ២២ ៩៤៧ហិកតា រួមមានដំណាំដំឡូងមី សណ្ដែកសៀង សណ្ដែកបាយនិងសណ្ដែកដី។
អភិបាលខេត្តរតនគិរី បានបញ្ជាក់នាសន្និសីទសារព័ត៌មានបន្ថែមថាមិនមែនតែតំបន់ទេសចរណ៍ប៉ុណ្ណោះទេដែលអាចទាក់ទាញអ្នកទេសចរអោយធ្វើដំណើរកម្សាន្តក្នុងខេត្ត ក្នុងនោះតំបន់ដែលកសិឧស្សាហកម្មក៏ជាឱកាសទាញយកភ្ញៀវទេសចរផងដែរ តាមរយៈការទៅទស្សនាចំការកៅស៊ូ កសិដ្ឋានចិញ្ចឹមសត្វអូទ្រីស ក៏ដូចជាកសិដ្ឋាននានា។
ទាំងនេះជាការផ្សាភ្ជាប់រវាងវិស័យកសិកម្ម និងទេសចរណ៍អោយដើរទន្ទឹមគ្នា ហើយក៏ជាហេតុធ្វើឲ្យភ្ញៀវទេសចរខេត្តរតនគិរីមានចំនួនប្រមាណ ២៣ម៉ឺននាក់ក្នុងឆ្នាំ ២០១៩៕
អភិបាលខេត្តមណ្ឌលគិរី និងរតនគិរី បានអះអាងថា ខេត្តរបស់ពួកលោក មានពលរដ្ឋ៨២ភាគរយពឹងផ្អែកលើវិស័យកសិកម្ម ហើយខេត្តភាគឦសានទាំងពីរនេះ មានសក្កានុពលខ្ពស់លើការដាំដុះដំណាំកសិឧស្សាហកម្ម ការចិញ្ចឹមសត្តជាលក្ខណៈគ្រួសារ និងបែបប្រពៃណី ជាដើម។
លោក ស្វាយ សំអ៊ាង អភិបាលខេត្តមណ្ឌលគិរី បានអះអាងថា មណ្ឌលគិរីមានលក្ខណៈពិសេសមួយប្លែកពីខេត្តជាច្រើនដែលពឹងផ្អែកលើវិស័យកម្មដែលអាចដាំដុះដំណាំ កសិឧស្សាហកម្មដូចជា ប័រ កាហ្វេ កៅស៊ូ ក្រូចវល្លិ៍ ជាដើម ក្រៅពីនោះក៏មានដំណាំស្រូវ បន្លែរួមផ្សំ ។
តាមរបាយការណ៍ មណ្ឌលគិរី មានផ្ទៃដីដាំដុះដំណាំស្រូវអនុវត្តបានសរុប ២២.៩៨៨ហិកតា ទិន្នផលជាមធ្យម ២,៩៨តោន/ហិកតា បរិមាណផលសរុប ៦៨.៥៦៥តោន ដែលក្នុងមួយឆ្នាំសល់ស្រូវចំនួន ៤០.០០០តោនសម្រាប់នាំចេញ។ ដោយឡែកដំណាំកៅស៊ូក្រុមហ៊ុនអនុវត្តបានចំនួន ៣១.២៣១,៩៨ហិកតា ផ្ទៃដីធ្វើអាជីវកម្មសរុបចំនួន ៥.២៨៦,៨២ហិកតា បរិមាណផលសរុប ៤.៨៦២.២៨តោន (ជ័រស្ងួត) ។
ដំណាំកៅស៊ូគ្រួសារអនុវត្តបានចំនួន ១១.៣០៥,៤៣ហិកតា ស្មើនឹង១.៥៨៩គ្រួសារ និងផ្ទៃដីធ្វើអាជីវកម្មសរុបចំនួន ៣.៣៩២,១៣ហិកតា បរិមាណផលសរុប ៣.៧៦៤.៦តោន(ជ័រស្ងួត) ស្មើនឹង ២០៧គ្រួសារ។
ក្រៅពីនោះមានដំណាំរួមផ្សំចំនួន ៥៦០ហិកតា លើដំណាំ ពោត និងបន្លែគ្រប់មុខ។ សម្រាប់ដំណាំឧស្សាហកម្មដូចជា សណ្តែកបាយ សណ្តែកដី សណ្តែកអង្គុយ ដំឡូងមី អនុវត្តបានសរុប ២០.៤៦៥ហិកតា និងដំណាំអចិន្ត្រៃយ៍អនុវត្តបានសរុប ៩.៦៤៦ហិកតា មាន ស្វាយចន្ទី កាហ្វេ ដូង ចេក ស្វាយ ប័រ ទុរេន សាវម៉ាវ ក្រូច ទៀប ជាដើម។
ខេត្តមណ្ឌលគិរីស្ថិតនៅភាគឦសាន មានចម្ងាយប្រមាណ ៣៨៣គីឡូម៉ែត្រពីរាជធានីភ្នំពេញ។ មានផ្ទៃដីសរុប ១៤.២៨៨គីឡូម៉ែត្រក្រឡា គ្របដណ្តប់ដោយព្រៃឈើ ប្រជុំភ្នំ និងខ្ពង់រាប សំបូរដោយជ្រលងដងអូរ។ មានពលរដ្ឋជាជនជាតិដើមភាគតិចចំនួន៨ ជនជាតិដូចជា ជនជាតិ ព្នង ក្រោល គ្រឹង ស្ទៀង ថ្មូន ទំពួន ចារាយ និង រដែរ ក្នុងនោះក្រៅពី៨២ភាគរយប្រកបរបរកសិកម្ម មាន ១៨ភាគរយប្រកបរបរសេវាកម្ម និងសិប្បកម្ម។
រីឯខេត្តរតនគិរីឯណោះវិញ លោកអភិបាលខេត្ត ថង សាវុន បានលើកឡើងថា ទោះបីក្នុងអំឡុងកូវីដ-១៩ ក៏ដោយ ប៉ុន្តែខេត្ត បានសម្របសម្រួលការដឹកជញ្ជូននូវកសិផលរបស់កសិករដូចធម្មតា។ ក្នុងឆ្នាំ២០១៩ កសិកម្ម បានសម្រេចលើការដាំដំណាំលើផ្ទៃដីសរុប ១៦៨ ៥៤៣ហិកតា មានដំណាំស្រូវ ២៦ ៧២៧ហិកតា ទទួលបានទិន្នផល ២ ៣១៩តោនក្នុង១ហិកតា។
ដំណាំកៅស៊ូលក្ខណៈគ្រួសារ និងកៅស៊ូឧស្សាហកម្មមាន ៦៥ ៩៣៧ហិកតា ដំណាំស្វាយចន្ទី ៣៩ ៧៨៤ហិកតា ដំណាំម្រេច ៩១២ហិកតា និងក្រៅពីនេះមានដំណាំរួមផ្សំនិងដំណាំឧស្សាហកម្មប្រចាំរដូវ ២២ ៩៤៧ហិកតា រួមមានដំណាំដំឡូងមី សណ្ដែកសៀង សណ្ដែកបាយនិងសណ្ដែកដី។
អភិបាលខេត្តរតនគិរី បានបញ្ជាក់នាសន្និសីទសារព័ត៌មានបន្ថែមថាមិនមែនតែតំបន់ទេសចរណ៍ប៉ុណ្ណោះទេដែលអាចទាក់ទាញអ្នកទេសចរអោយធ្វើដំណើរកម្សាន្តក្នុងខេត្ត ក្នុងនោះតំបន់ដែលកសិឧស្សាហកម្មក៏ជាឱកាសទាញយកភ្ញៀវទេសចរផងដែរ តាមរយៈការទៅទស្សនាចំការកៅស៊ូ កសិដ្ឋានចិញ្ចឹមសត្វអូទ្រីស ក៏ដូចជាកសិដ្ឋាននានា។
ទាំងនេះជាការផ្សាភ្ជាប់រវាងវិស័យកសិកម្ម និងទេសចរណ៍អោយដើរទន្ទឹមគ្នា ហើយក៏ជាហេតុធ្វើឲ្យភ្ញៀវទេសចរខេត្តរតនគិរីមានចំនួនប្រមាណ ២៣ម៉ឺននាក់ក្នុងឆ្នាំ ២០១៩៕
© រក្សាសិទ្ធិដោយ thmeythmey.com
