ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
ក្រុមកម្មករចុះបារស្លែបៃតង ដើម្បីសោភ័ណភាពស្ទឹងសៀមរាប
19, Jul 2020 ,
12:27 pm
រូបភាព
×
ដោយ:
អុីសា រ៉ហានី (Isa Rohany)
សៀមរាប៖ ក្រុមកម្មករប្រមាណ១០នាក់ មានប្រុសមានស្រី កំពុងបារស្លែបៃតង ដែលពង្រីកខ្លួនស្ទើរពេញដងស្ទឹងសៀមរាប។ ពួកគេបានប្រើខ្សែចងអូសស្លែមកកៀនច្រាំងម្ខាង ងាយស្រួលបារចេញ។ ខ្លះទៀតក៏ប្រើដងឈើដួស និងចុះបារដោយដៃផ្ទាល់ផងដែរ។ ដ្បិតចូលរដូវវស្សាក៏ពិតមែន តែបរិមាណទឹកភ្លៀងហាក់មានតិច និងការទប់ទឹកចូលក្នុងតំបន់ប្រាសាទច្រើន ទើបធ្វើឱ្យប្រភពពីភ្នំគូលែន មានតិចតួចចុះមកដល់ផ្នែកខាងក្រោមនៃស្ទឹងសៀមរាប។
សូមអញ្ជើញទស្សនាវីដេអូសកម្មភាពបារស្លែក្នុងស្ទឹងសៀមរាប ដែលធ្វើឡើងនៅរសៀលថ្ងៃទី១៤ កក្កដា នៅចំណុចខាងជើងផ្សារពោធិ៍លង្កា សង្កាត់មណ្ឌល៣ ក្រុងសៀមរាបដូចតទៅ
ទាក់ទងនឹងសកម្មភាពនេះ អភិបាលក្រុងសៀមរាប លោក នួន ពុទ្ធារ៉ា ប្រាប់ថា រដ្ឋបាលក្រុងមិនបានបណ្ដែតបណ្ដោយឱ្យមានស្លែច្រើនពេញស្ទឹងដូច្នេះនោះទេ។ លោកពន្យល់ថា មានមូលហេតុមួយចំនួនដែលរដ្ឋបាលក្រុងកំពុងធ្វើការលើរឿងនេះ ទី១ដោយសាររយៈពេល៣ឆ្នាំចុងក្រោយនេះ ខេត្តសៀមរាបមានបញ្ហាខ្វះទឹក ដែលប្រភពទឹកពីខាងលើ ត្រូវទប់សម្រាប់កិច្ចការអភិរក្សប្រាសាទក្នុងតំបន់អង្គរ ទើបមិនបានបើកទម្លាក់ចុះមកផ្នែកខាងក្រោម ទី២ ស្លែ ជាផ្នែកមួយជួយកាត់បន្ថយកិ្លនស្អុយពីក្នុងស្ទឹង ព្រោះស្ទឹងនេះមានការលួចបង្ហូរទឹកស្អុយចូលនាពេលកន្លងមក និងទី៣ អាជ្ញាធរមានគម្រោងស្ដារ និងអភិវឌ្ឍន៍ស្ទឹងសៀមរាបនាពេលឆាប់ៗនេះ។
លោកអភិបាលក្រុង សុំឱ្យពលរដ្ឋក្នុងខេត្តសៀមរាបយោគយល់ត្រង់បញ្ហាទាំងនេះ ហើយមិនមែនរដ្ឋបាលក្រុងបណ្ដោយឱ្យស្លែច្រើនក្នុងស្ទឹងនោះទេ។ លោក នួន ពុទ្ធារ៉ា បានបញ្ជាក់ថា ដងស្ទឹងសៀមរាបនឹងប្រែមុខមាត់ថ្មីនាពេលដ៏ខ្លីខាងមុខនេះ ដោយក្នុងគម្រោងនឹងរៀបចំឱ្យមានសួនច្បារ ផ្លូវដើរ និងដាំដើមឈើអមសងខាង ពិសេសនឹងរៀបចំប្រព័ន្ធចម្រុះទឹកកខ្វក់មុនបង្ហូរចូលទឹកស្ទឹងផងដែរ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ស្ទឹងសៀមរាប
ស្លែ
© រក្សាសិទ្ធិដោយ thmeythmey.com
អត្ថបទពេញនិយម
ស្រឡាញ់របស់ចាស់ៗ! អ្នកស្រី អាគីម ច្នៃរថយន្ត Jeep ដឹកភ្ញៀវមើលប្រាសាទ និងធម្មជាតិនៅអង្គរ
5 ថ្ងៃ
ករណីក្រុមហ៊ុន CIC៖ និយ័តករមូលបត្រកម្ពុជា ប្រកាសការពារប្រយោជន៍វិនិយោគិនស្របច្បាប់
2 ថ្ងៃ
«បេតិកភណ្ឌវប្បធម៌រូបី» ខុសពី «បេតិកភណ្ឌវប្បធម៌អរូបី»ដូចម្តេច?
4 ថ្ងៃ
«ចេរភាព និងនិរន្តភាព» មានន័យខុសគ្នាបែបណា?
5 ថ្ងៃ
ប្រធានសហគមន៍ទេសចរណ៍កំពង់ភ្លុក ស្នើអាជ្ញាធរស្ដារព្រែកឱ្យបានជ្រៅ ដើម្បីទាក់ទាញភ្ញៀវថែមទ ...
5 ថ្ងៃ
អត្ថបទពេញនិយមបន្ថែម