COVID-19
ជាតិ
២៥ខេត្ត/រាជធានី
អំឡុងពេលកូវីដ-១៩ មានក្រុមហ៊ុនជាច្រើនចុះកិច្ចសន្យានាំចេញផលិតផលកសិកម្មពីកម្ពុជា
× ស្របពេលវិបត្តិកូវីដ-១៩ បានអូសបន្លាយវិស័យជាច្រើនបានរងផលប៉ះពាល់ និងធ្វើឲ្យសេដ្ឋកិច្ចធ្លាក់ចុះ តែ កម្ពុជាបានប្រែក្លាយឱកាសក្នុងការបង្កើននូវប្រសិទ្ធភាពចង្វាក់ផលិតកម្មកសិកម្ម តាមរយៈការជំរុញ និងបង្កើនការយកចិត្តទុកដាក់ចំពោះកសិករ អ្នកផលិត វិស័យឯកជន ដៃគូអភិវឌ្ឍនិងសហគមន៍កសិកម្ម រួមមានការដាំដុះបន្លែ ចិញ្ចឹមសត្វ វារីវប្បកម្ម និងដាំដំណាំជាដើម។ តាមរយៈការជំរុញរបស់ក្រសួងកសិកម្មទាំងនេះហើយ ដែលជាឱកាសរបស់កម្ពុជាទទួលបានការចុះហត្ថលេខារវាងក្រុមហ៊ុនឯកជន លើការនាំចេញផលិតផលកសិកម្ម។
បើតាមទំព័រហ្វេសប៊ុកផ្លូវការរបស់លោក វេង សាខុន នៅអំឡុងខែមិថុនា និងខែកក្កដា មានការរៀបចំពិធីចុះកិច្ចសន្យាផលិតកម្មកសិកម្មមួយចំនួនរវាងវិស័យសាធារណ: ឯកជន ដៃគូអភិវឌ្ឍន៍ និងផលិតករ ដូចជា ការទិញ លក់ផលិតផល គ្រាប់ស្វាយចន្ទីកែច្នៃ -ការអភិវឌ្ឍបន្លែសុវត្ថិភាពសម្រាប់ទីផ្សារក្នុងស្រុក និងការនាំចេញ រវាងក្រសួងកសិកម្ម និងក្រុមហ៊ុន Yamato Green Co., Ltd -ការទិញ លក់ ចែកចាយផលិតផលកសិកម្ម រវាងក្រុមហ៊ុន លីលី ហ្វ៊ូត លីលី ខាមេដា ជាមួយក្រុមផលិត ផ្គត់ផ្គង់ ចែក ចាយផលិតផលកសិកម្ម -តម្រូវភូតគាមអនាម័យសម្រាប់ការនាំចេញផ្លែស្វាយស្រស់ ទៅកាន់ប្រទេសចិន។
ស្របពេលកាលៈទេសៈកូវីដ១៩ រាជរដ្ឋាភិបាលបានជំរុញឲ្យស្ថាប័នពាក់ព័ន្ធទាំងអស់ចូលរួមសហការ នឹងបន្តឆន្ទៈចូលរួមសកម្មក្នុងការអភិវឌ្ឍវិស័យកសិកម្មកម្ពុជា ឲ្យមានការរីកចម្រើន ដើម្បីឈានទៅសម្រេចចក្ខុវិស័យរបស់កម្ពុជានាឆ្នាំ២០៣០ និង២០៥០។ លោក វេង សាខុន បានបញ្ជាក់បន្ថែមថា សមិទ្ធផលសំខាន់ៗ ដែលកម្ពុជាទទួលបានទាំងអស់នេះ មិនមែនតែជាមោទនភាពរបស់ក្រសួងកសិកម្ម នោះទេគឺជាមោទនភាពរបស់ប្រទេសជាតិទាំងមូល៕
Tag:
កសិកម្ម
កូវីដ១៩
© រក្សាសិទ្ធិដោយ thmeythmey.com