ជាតិ
លោកនាយករដ្ឋមន្រ្តី ហ៊ុន សែន នាឱកាសចុះសំណេះសំណាលពលរដ្ឋក្នុងខេត្តតាកែវ
×![]()
សម្ដេច ហ៊ុន សែន បញ្ជាទិញម៉ាស៊ីនព្រោះស្រូវ ២ពាន់គ្រឿង ក្នុងនោះធុនធំ ១ពាន់គ្រឿង ធុនតូច ១ពាន់គ្រឿង ប្រគល់ឲ្យក្រសួងកសិកម្ម រុក្ខាប្រមាញ់ និងនេសាទ។ នេះបើតាមការបញ្ជាក់របស់សម្ដេច ហ៊ុន សែន នាយករដ្ឋមន្ត្រីកម្ពុជា នាឱកាសចុះសំណេះសំណាលជាមួយប្រជាកសិករនៅស្រុកព្រៃកប្បាស ខេត្តតាកែវ នៅព្រឹកថ្ងៃទី ២១ កក្កដា ឆ្នាំ២០២០។ 
ដើម្បីសម្រួលដល់ការធ្វើស្រែរបស់ប្រជាកសិករ សម្ដេច ហ៊ុន សែន បានបញ្ជាទិញម៉ាស៊ីនព្រោះស្រូវចំនួន ២ពាន់គ្រឿង ប្រគល់ឲ្យក្រសួងកសិកម្ម ចែកជូនប្រជាកសិករ។ នាពិធីសំណេះសំណាលជាមួយប្រជាកសិករ នៅស្រុកព្រៃកប្បាស ខេត្តតាកែវ សម្ដេច ហ៊ុន សែន បញ្ជាក់ថា៖ «ខ្ញុំសូមប្រកាស ព្រឹកមិញខ្ញុំបានបញ្ជាទិញ ម៉ាស៊ីនព្រោះ ២ពាន់គ្រឿង ធុនធំ ១ពាន់គ្រឿង និងធុនតូច ១ពាន់គ្រឿង ប្រគល់ឲ្យក្រសួងកសិកម្ម។ ខ្ញុំជាអ្នកចេញលុយ»។
ការផ្ដល់ម៉ាស៊ីនព្រោះដល់កសិករ តាមរយៈក្រសួងកសិកម្ម រុក្ខាប្រមាញ់ និងនេសាទ នឹងជួយគ្រួសារកសិករណាដែលមិនមានដីសម្រាប់ធ្វើកសិកម្ម ដើម្បីឲ្យកសិករអាចស៊ីឈ្នួល។ នេះជាការបញ្ជាក់របស់សម្ដេចនាយករដ្ឋមន្ត្រី។
យោងតាមរបាយការណ៍របស់ លោក វេង សាខុន រដ្ឋមន្ត្រីក្រសួងកសិកម្ម ខេត្តតាកែវ ក៏ធ្លាប់ជារាជធានីនគរគោកធ្លោក គឺជាដែនដីមានសក្តានុពលមួយលើវិស័យកសិកម្ម ហើយខេត្តនេះ បានជាប់ចំណាត់ថ្នាក់លេខ៣លើវិស័យកសិកម្ម បន្ទាប់ពីព្រៃវែង និងបាត់ដំបង។ ខេត្តតាកែវ មានប្រជាជនសរុប ១,០១៤,៤៧៣នាក់ ក្នុងនោះ ស្ត្រី ៥១៨,៨៨០នាក់ ដោយមានប្រជាពលរដ្ឋប្រមាណ ៧៩ភាគរយ ពឹងផ្អែកទាំងស្រុងលើវិស័យកសិកម្ម ធ្វើស្រែចម្ការ នេសាទត្រី និងចិញ្ចឹមសត្វ ដើម្បីទ្រទ្រង់ជីវភាពរស់នៅរបស់ខ្លួន៕
Tag:
កសិកម្ម
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
