ព្រៃវែង ត្រូវប្រជែងជាមួយត្បូងឃ្មុំ ដើម្បីដណ្តើមជើងឯកពានសម្តេច ហ៊ុន សែន ថ្នាក់ខេត្ត

កីឡាជាតិ

ជាតិ

ព្រៃវែង ត្រូវប្រជែងជាមួយត្បូងឃ្មុំ ដើម្បីដណ្តើមជើងឯកពានសម្តេច ហ៊ុន សែន ថ្នាក់ខេត្ត

22, Jul 2020 , 5:34 pm

រូបភាព

ដោយ:

ក្រុមកីឡាបាល់ទាត់ព្រៃវែង និងត្បូងឃ្មុំ ត្រូវប្រជែងគ្នាដណ្តើមជើងឯកពានរង្វាន់សម្តេច ហ៊ុន សែន ថ្នាក់ខេត្ត បន្ទាប់ពីពួកគេបានយកឈ្នះគូប្រកួតរៀងៗខ្លួននៅវគ្គពាក់កណ្តាលផ្តាច់ព្រ័ត្រ។

នាជំនួបជើងទីពីរនៅកីឡដ្ឋានខេត្តព្រៃវែង ក្រុមម្ចាស់ផ្ទះបានលត់ក្រុមសៀមរាបក្នុងលទ្ធផល ៧-០។ ជ័យជម្នះនេះជួយឲ្យព្រៃវែងឡើងទៅវគ្គផ្តាច់ព្រ័ត្រពានសម្តេច ហ៊ុន សែន ជាមួយលទ្ធផលសរុបទាំងពីរជើង ៩-០។

ព្រៃវែងត្រូវប្រជែងដណ្តើមជើងឯកជាមួយត្បូងឃ្មុំ ដែលបានទម្លាក់ក្រុមកែបក្នុងលទ្ធផលទាំងពីរជើង ៥-២ នៅវគ្គពាក់កណ្តាលផ្តាច់ព្រ័ត្រ។ នេះជាការប្រកួតការពារតំណែងជើងឯកសម្រាប់ត្បូងឃ្មុំ។ ការប្រកួតវគ្គផ្តាច់ព្រ័ត្រធ្វើឡើងនៅថ្ងៃទី២៩ ខែកក្កដា ឆ្នាំ២០២០ នៅពហុកីឡដ្ឋានជាតិ៕