ជាតិ
សុខភាព
ការធ្លាក់សធម្មតា និងខុសប្រក្រតី អាចសម្គាល់ដោយរបៀបណា និងប៉ះពាល់សុខភាពដូចម្តេច?
×![]()
ភ្នំពេញ៖ ការធ្លាក់ស គឺជាការហូរសារធាតុរាវចេញពីទ្វារមាស ឬមាត់ស្បូនរបស់ស្ត្រី ហើយជាទូទៅស្ត្រីចាប់ផ្ដើមធ្លាក់សនៅពេលពេញវ័យ ពោលគឺនៅពេលចាប់ផ្ដើមមករដូវ។ បើតាមកញ្ញាវេជ្ជបណ្ឌិត ឡេង កាណារីន ការធ្លាក់សត្រូវបានចែកជាពីរសណ្ឋាន គឺការធ្លាក់សធម្មតា និងធ្លាក់សខុសប្រក្រតី។ តើការធ្លាក់សទាំងពីរនេះខុសគ្នាដូចម្ដេច?
ដើម្បីជ្រាបច្បាស់សូមអញ្ជើញលោក-អ្នកនាងទស្សនាបទសម្ភាសរវាង កញ្ញា អ៊ុត រស្មី អ្នកសារព័ត៌មានថ្មីៗ ជាមួយកញ្ញាវេជ្ជបណ្ឌិត ឡេង កាណារីន វេជ្ជបណ្ឌិតផ្នែកសម្ភព និងរោគស្ត្រីនៃមន្ទីរពេទ្យស្ត្រីនគរទេព ដូចតទៅ៖
ក្នុងបទសម្ភាសជាមួយសារព័ត៌មានថ្មីៗ វេជ្ជបណ្ឌិតផ្នែកសម្ភព និងរោគស្ត្រី ឡេង កាណារីន បានអះអាងថា ការធ្លាក់សធម្មតា គឺមិនបង្ករោគនោះទេ ហើយសមានសភាពថ្លា មិនធុំក្លិនស្អុយ និងមិនប៉ះពាល់ដល់អារម្មណ៍ ឬការរស់ប្រចាំថ្ងៃឡើយ។
ជាទូទៅការធ្លាក់សធម្មតា វាអាចកើតមាននៅមុនពេលមករដូវ និងអំឡុងពាក់កណ្ដាលពេលមករដូវ ជាមួយគ្នានេះ ស្ត្រីមានផ្ទៃពោះ និងស្ត្រីប្រើថ្នាំពន្យារកំណើតប្រភេទអម៉ូនក៏មានការធ្លាក់សធម្មតានេះដែរ។
ចំណែកឯ កាធ្លាក់សខុសប្រក្រតីវិញ គឺជាការធ្លាក់សបង្ករោគ ហើយសនោះមានសភាពខាប់ ស្អិត កក់ដុំៗ ពណ៌លឿន ឬបៃតង និងមានធុំក្លិនស្អុយជាដើម។ វេជ្ជបណ្ឌិតនៃមន្ទីរពេទ្យស្ត្រីនគរទេពរូបនេះ បានអះអាងថា មូលហេតុដែលធ្វើឱ្យមានការធ្លាក់សខុសប្រក្រតី ដោយសារការសម្អាតប្រដាប់ភេទមិនស្អាត , ការប្រើប្រាស់បង្គន់អនាម័យរួមគ្នា និងការប្រើប្រាស់ខោក្នុងរឹបពេកជាដើម។
ក្នុងករណីដែលស្ត្រីមានការធ្លាក់សខុសប្រក្រតី គឺបញ្ជាក់ថា ជាសញ្ញាមានបញ្ហានៅសរីរាង្គប្រដាប់ភេទ ដូចនេះ ត្រូវយកចិត្តទុកដាក់ និងប្រញាប់ទៅជួបពេទ្យជំនាញ ដើម្បីតាមដានសុខភាព៕
Tag:
ជំងឺ
ធ្លាក់ស
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
