បន្ទាយមានជ័យ៖ ផ្សារចុងសប្ដាហ៍ដែលផ្គត់ផ្គង់ត្រី សាច់ និងបន្លែសុវត្ថិភាព បើកជាផ្លូវការ

ជាតិ

បន្ទាយមានជ័យ៖ ផ្សារចុងសប្ដាហ៍ដែលផ្គត់ផ្គង់ត្រី សាច់ និងបន្លែសុវត្ថិភាព បើកជាផ្លូវការ

25, Jul 2020 , 10:59 pm

រូបភាព

ដោយ:

ផ្សារសហគមន៍ ផលិតផលកសិកម្មស្រស់ និងផលិតផលកែច្នៃ ស្ថិតក្នុងខេត្តបន្ទាយមានជ័យ ត្រូវបានដាក់សម្ពោធឲ្យប្រើប្រាស់ជាផ្លូវការ កាលពីថ្ងៃទី២៤ ខែកក្កដា ឆ្នាំ២០២០ ដោយលោក អ៊ុំ រាត្រី អភិបាលខេត្តបន្ទាយមានជ័យ។ ផ្សារនេះ បង្កើតឡើងដើម្បីជួយរកទីផ្សារសម្រាប់ផលិតផលកសិកម្ម ក្នុងដំណាក់កាលនៃការរីករាលដាលជាសកល នៃជំងឺកូវីដ-១៩។

ក្នុង ១ សប្តាហ៍ ផ្សារសហគមន៍នេះ នឹងបើកលក់ចំនួន ៣ថ្ងៃ គឺថ្ងៃសុក្រ សៅរ៍ និងថ្ងៃអាទិត្យ ដោយម្ចាស់អាជីវកម្ម និងក្រុមកសិករ អាចដាក់លក់ផលិតផលកសិកម្មសុវត្ថិភាពរបស់ខ្លួន មានបន្លែ ត្រី សាច់ និងត្រីងៀតជាដើម។ នេះបើតាម លោក ប៉ាង វណ្ណាសេដ្ឋ ប្រធានមន្ទីរកសិកម្មខេត្តបន្ទាយមានជ័យ ដែលបានប្រាប់សារព័ត៌មានThmeyThmey25 តាមទូរសព្ទ។

លោក ប៉ាង វណ្ណាសេដ្ឋ បានបន្ថែមទៀតថា អាជីករ ត្រូវចុះឈ្មោះ ជាមុនទើបអាចចូលជាសមាជិកអាជីករលក់ ក្នុងផ្សារសហគមន៍នេះបានដោយមិនគិតប្រាក់ ប៉ុន្តែតម្រូវឲ្យបង់ថ្លៃបន្តិចបន្តួចសម្រាប់សំអាតបរិស្ថាននៅក្នុងផ្សារសហគមន៍ ដែលបច្ចុប្បន្នមាន២៥តូបនេះ៕