ជាតិ
៧ខែកន្លងមក រមណីយដ្ឋានអង្គរបានចំណូលជាង១៨លានដុល្លារ ធ្លាក់ចុះ៧២ភាគរយ
×![]()
រយៈពេល៧ខែ ឆ្នាំ២០២០ រមណីយដ្ឋានអង្គររកចំណូលបាន ១៨,១៧០,៩៩០ដុល្លារ ពីភ្ញៀវទេសចរបរទេសជាង ៣៨ម៉ឺននាក់ ដែលប្រាក់ចំណូលនេះ ថយចុះ ៧២,០៤ភាគរយ បើធៀបនឹងរយៈពេលដូចគ្នាឆ្នាំ២០១៩។
បើតាមសេចក្ដីប្រកាសព័ត៌មានរបស់គ្រឹះស្ថានអង្គរ បើគិតតែក្នុងខែកក្តដា ឆ្នាំ២០២០វិញ រមណីយដ្ឋានអង្គររកចំណូលបាន ៧៨,៤៤០ដុល្លារ ពីភ្ញៀវទេសចរបរទេសជាង ១ពាន់នាក់។ ចំនួនភ្ញៀវទេសចរក្នុងខែកក្កដានេះ ថយចុះ ៩៨,៨០ភាគរយ បើធៀបនឹងចំនួនភ្ញៀវក្នុងខែកក្តដាឆ្នាំ២០២០។
ជាមួយគ្នានេះ ប្រាសាទកោះកែរ រកចំណូលបាន ៨៦,៥៦០ ដុល្លារ ពីភ្ញៀវទេសចរបរទេសជាង ៨ពាន់នាក់ ខណៈក្នុងខែកក្តដា រកចំណូលបាន១,១២០ដុល្លារ ពីភ្ញៀវទេសចរបរទេសជាង១១២នាក់។ ចំណូលដែលរកបានរយៈពេល៧ខែនេះ គ្រឹះស្ថានអង្គរ បានឧបត្ថម្ភដល់មន្ទីរពេទ្យគន្ធបុប្ផាកម្ពុជា ចំនួន៧៧៩,២៦០ដុល្លារ៕
Tag:
អង្គរ
ទេសចរណ៍
© រក្សាសិទ្ធិដោយ thmeythmey.com
