បារាយណ៍ខាងលិច នៅតែស្ងប់ស្ងាត់

ជាតិ

បារាយណ៍ខាងលិច នៅតែស្ងប់ស្ងាត់

03, Aug 2020 , 8:59 am

រូបភាព

ដោយ: អុីសា រ៉ហានី (Isa Rohany)

សៀមរាប៖ រដូវភ្លៀងមកដល់ ទឹកនៅអាងបារាយណ៍ខាងលិច ឬអ្នកខ្លះនិយមហៅបារាយណ៍ទឹកថ្លា ក៏ចាប់មានឡើងវិញជាបណ្ដើរៗហើយដែរ តែស្ថិតក្នុងកម្ពស់ទាបនៅឡើយ។ ពលរដ្ឋជិតឆ្ងាយនិយមមកកម្សាន្តរមណីយដ្ឋានទេសចរណ៍បែបធម្មជាតិមួយនេះ ដើម្បីលំហែ លេងទឹក និងហូបអាហារតាមរោងតូចៗសង់ជាប់មាត់បារាយណ៍។ល។ បរិយាកាសនៅបារាយណ៍ហាក់នៅស្ងប់ស្ងាត់នាកំឡុងកូវីដ១៩នេះ ទាំងអ្នកលក់ក៏ហាក់ស្បើយ តូបខ្លះបានបិទទ្វារ។ ឯទេសចរក៏មានតិចតួច គឺមានតែទូកនេសាទ ដែលបណ្ដែតខ្លួនឆ្ងាយៗពីគ្នា លើផ្ទៃទឹកដ៏ល្វឹងល្វើយ។ ដោយឡែកទូកទេសចរណ៍ ដែលធ្លាប់ដឹកភ្ញៀវទស្សនាកម្សាន្តពេញផ្ទៃបារាយណ៍ ក៏ត្រឹមឈប់ចតមួយកន្លែងដែរ៕