ពីនេះ ពីនោះ
សុខភាព
ប្រយ័ត្ន! ញ៊ាំច្រើនពេក ឪឡឹកអាចជះផលប៉ះពាល់ទាំងនេះ
× ទោះបីជាពួកយើងសុទ្ធតែធ្លាប់បានដឹងពីអត្ថប្រយោជន៍ដ៏ប្រសើរនៃការទទួលទានផ្លែឪឡឹក ប៉ុន្តែប្រហែលជាមិនដែលចាប់អារម្មណ៍ទេថាប្រសិនបើញ៊ាំច្រើនពេកផ្លែឈើនេះអាចជះផលប៉ះពាល់អ្វីខ្លះ? ប្រយ័ត្ន! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីបញ្ហាដែលអាចកើតឡើងនៅពេលញ៊ាំឪឡឹកច្រើនពេក ៖
១. បញ្ហាពាក់ព័ន្ធប្រព័ន្ធរំលាយអាហារ
ឪឡឹកមានផ្ទុកសម្បូរទៅដោយសារធាតុ Lycopene ដែលជួយកម្ចាត់ជាតិពុល និងរ៉ាឌីកាល់សេរីក្នុងរាងកាយកាត់បន្ថយហានិភ័យនៃជំងឺមហារីក។ ប៉ុន្តែនៅពេលទទួលទានច្រើនពេកនោះកម្រិតនៃសារធាតុ Lycopene ក្នុងរាងកាយនឹងឡើងខ្ពស់ ហើយអាចបង្កជាបញ្ហាមួយចំនួនពាក់ព័ន្ធនឹងការរំលាយអាហារដូចជាក្អួត ពិបាករំលាយអាហារ ហើមពោះ ចង្អោរចង់ក្អួត និងរាគ។
២. លើសសារធាតុ Citrulline
Citrulline ជាសារធាតុមួយដែលមានផ្ទុកក្នុងផ្លែឪឡឹកដែលត្រូវបានបំលែងទៅជាអាស៊ីតអាមីណូ Arginine ជួយបង្កើនការផលិតប្រូតេអ៊ីន។ ប៉ុន្តែនៅពេលអាស៊ីតអាមីណូនេះកើនឡើងលើសនោះបញ្ហាមួយចំនួនអាចនឹងលេចឡើងដូចជាលិង្គមិនឡើងរឹង និងលំហូរឈាមទៅកាន់ប្រដាប់ភេទថយចុះ។
៣. លើសប៉ូតាស្យូមក្នុងរាងកាយ
មនុស្សពេញវ័យត្រូវការកាល់ស្យូម ២០០០ មីលីក្រាមក្នុងមួយថ្ងៃ។ ការទទួលទានអាហារដែលមានផ្ទុកសម្បូរទៅដោយប៉ូតាស្យូមដូចជាឪឡឹកអាចបង្កបញ្ហាលើសជាតិប៉ូតាស្យូមក្នុងរាងកាយដែលបង្កើនហានិភ័យនៃជំងឺសសៃឈាមបេះដូង ខ្សោយជីពចរ ចង្វាក់បេះដូងលោតមិនទៀង គាំងបេះដូង និងដាច់សសៃឈាមខួរក្បាល។ ការលើសប៉ូតាស្យូមក្នុងឈាមក៏អាចបង្កបញ្ហាតម្រងនោមផងដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com