កីឡាករថ្លៃជាងគេលើលោកទាំង១០ឆ្នាំ២០២០ មានអង់គ្លេស៥រូប ឯ Mbappe ឈរលេខ១

កីឡាអន្តរជាតិ

អន្តរជាតិ

កីឡាករថ្លៃជាងគេលើលោកទាំង១០ឆ្នាំ២០២០ មានអង់គ្លេស៥រូប ឯ Mbappe ឈរលេខ១

18, Aug 2020 , 1:59 pm

រូបភាព

ដោយ: ទេព ពិទូរ្យ

Kylian Mbappe ខ្សែប្រយុទ្ធក្រុម Paris Saint-Germain បានក្លាយជាកីឡាករបាល់ទាត់ដែលមានតម្លៃខ្លួនថ្លៃជាងគេលើលោកនាពេលបច្ចុប្បន្ននេះរហូតដល់ ៣០៥លានដុល្លារអាមេរិក។ Raheem Sterling ខ្សែបម្រើ Man City មានតម្លៃ២២៩លានដុល្លារ និង Jadon Sancho របស់ Borussia Dortmund តម្លៃ២១០លានដុល្លារ។ ក្នុងចំណោមកីឡាករថ្លៃជាងគេទាំង១០ មានកីឡាករអង់គ្លេសដល់ទៅ៥រូប ខណៈ Neymar, Lionel Messi និង Cristiano Ronaldo គ្មានឈ្មោះ។

បើតាមរបាយការណ៍របស់ Soccerex ដែលជាស្ថាប័នវាយតម្លៃក្នុងវិស័យជំនួញកីឡាបាល់ទាត់លំដាប់ពិភពលោកវាយតម្លៃថាកីឡាករបាល់ទាត់ចំនួន១០រូបដែលមានតម្លៃខ្លួនថ្លៃជាងគេលើលោកប្រចាំឆ្នាំ២០២០នេះ មានកីឡាករអន្តរជាតិអង់គ្លេសដល់ទៅ៥រូប។ ក្នុងនោះរួមមាន Raheem Sterling (Man City), Jadon Sancho (Borussia Dortmund), Trent Alexander-Arnold (Liverpool FC), Marcus Rashford (Manchester United) និង Harry Kane (Tottenham Hotspur)។

វិស័យកីឡាជាច្រើននៅជុំពិភពលោក រួមទាំងកីឡាបាល់ទាត់ផងបានរងឥទ្ធិពលយ៉ាងខ្លាំងលើបញ្ហាហិរញ្ញវត្ថុដោយសារជំងឺ COVID-19។ បើទោះយ៉ាងនេះក្តី តម្លៃខ្លួនកីឡាករបាល់ទាត់នៅតែមិនថមថយនោះឡើយសម្រាប់ការទិញដូររវាងក្លិបល្បីៗនៅតំបន់អឺរ៉ុប។

តួយ៉ាង ថ្មីៗនេះ Chelsea បានផ្ទេរយកខ្សែប្រយុទ្ធ Timo Werner ពី RB Leipzig រួចហើយក្នុងតម្លៃ ៧២លានដុល្លារអាមេរិក ទាំង COVID-19 នៅតែអុកឡុកនៅឡើយ។ ស្របពេលគ្នានេះ Man Utd ក៏កំពុងចរចាទិញយក Sancho ពី Dortmund ក្នុងតម្លៃថ្លៃផងដែរ។

ខាងក្រោមនេះយើងនឹងបង្ហាញលោកអ្នកអំពីកីឡាករទាំង១០រូបដែលមានតម្លៃខ្លួនថ្ងៃជាងគេទាំង១០ សម្រាប់ឆ្នាំ២០២០៖

១- Kylian Mbappe (Paris Saint-Germain) តម្លៃ ៣០៥ លានដុល្លារអាមេរិក