រថយន្ត
អន្តរជាតិ
ការសិក្សា៖ ទោះស្ថិតនៅលើផ្លូវកង់ ក៏អ្នកបើកបររថយន្តជាច្រើនមិនបន្ថយនោះដែរ
× អ្នកបើកបររថយន្តជាច្រើន បានអះអាងថា ការបើកបរពីក្រោយអ្នកជិះកង់ ពិតជាពិបាកខ្លាំងណាស់ ដោយពេលខ្លះត្រូវខកខានការប្រជុំ និងជំនួបផ្សេងៗ។ ការសិក្សាមួយកាលពីអំឡុងខែមិថុនា ឆ្នាំ២០២០ បង្ហាញថា អ្នកបើកបររថយន្តមិនសូវគិតលើការបន្ថយល្បឿននៅពេលដែលពួកគេជិះលើគន្លងផ្លូវទោចក្រយាន។
ក្នុងការសិក្សារបស់ខ្លួន ក្រុមអ្នកស្រាវជ្រាវរបស់សាកលវិទ្យាល័យ Portland State University បានចោទជាសំណួរចំៗថា៖ «តើកង់អាចកាត់បន្ថយល្បឿនរថយន្តដឹកអ្នកដំណើរនៅតាមបណ្តាផ្លូវក្នុងទីក្រុងដែរឬទេ?»។
លទ្ធផលនៃការសិក្សាដែលផ្សាយនៅលើ Transportation Research Record, the Journal of the Transportation Research Board (https://journals.sagepub.com/doi/abs/10.1177/0361198120920880) បានបង្ហាញថា ល្បឿននៃការបើកបររថយន្តដឹកអ្នកដំណើរ គ្មានការថមថយឡើយនៅផ្លូវទីប្រជុំជនដែលលាយឡំដោយអ្នកជិះកង់។
ការសិក្សាបានប្រៀបធៀបលើដំណើររថយន្តដែលនៅពីក្រោយអ្នកបើកម៉ូតូ និងរថយន្តដែលនៅពីក្រោយអ្នកជិះកង់។ រថយន្តជាច្រើនអាចបើកបរក្នុងល្បឿនយឺតៗពីក្រោយ ម៉ូតូ ប៉ុន្តែពិបាកបំផុតនៅក្រោយកង់ ជាពិសេសនៅលើជម្រាលភ្នំ ខណៈកង់អគ្គិសនីអាចតម្លើងល្បឿនបាន។
អ្នកស្រី Jaclyn Schaefer ដែលជាអ្នកស្រាវជ្រាវម្នាក់ បានលើកថា ការសិក្សានេះ នឹងផ្តល់ពន្លឺដល់ក្រុមអ្នកដែលមានសិទ្ធិសម្រេចចិត្ត អាចជ្រើសរើសវិធីដ៏ត្រឹមត្រូវដើម្បីការពារអ្នកជិះកង់ បើទោះបីជាមានការពិបាកក្នុងការកាត់ផ្តាច់ដោយឡែករវាងផ្លូវសម្រាប់កង់ និងផ្លូវសម្រាប់រថយន្តនៅតំបន់ទីក្រុងក៏ដោយ៕
© រក្សាសិទ្ធិដោយ thmeythmey.com