កីឡាអន្តរជាតិ
អន្តរជាតិ
Leipzig និង PSG ប្រជែងគ្នាទៅកាន់វគ្គផ្តាច់ព្រ័ត្រ Champions League យប់នេះ
×![]()
ដោយ: ថ្មីៗ
RasenBallsport Leipzig ដ៏ក្មេងខ្ចីរបស់អាល្លឺម៉ង់ ត្រូវតទល់ជាមួយជើងឯកពីបារាំង Paris Saint-Germain ក្នុងវគ្គពាក់កណ្តាលផ្តាច់ព្រ័ត្រពានរង្វាន់ UEFA Champions League នៅកីឡដ្ឋាន Estadio da Luz ក្រុងលីស្បោន ប្រទេសព័រទុយហ្គាល់ នាវេលាម៉ោង២យប់នេះ [ម៉ោងនៅកម្ពុជា]។
RB Leipig ដែលទើបបង្កើតបាន១១ឆ្នាំ ឈានដល់វគ្គពាក់កណ្តាលផ្តាច់ព្រ័ត្រពានរង្វាន់កំពូលអឺរ៉ុប ជាលើកដំបូងក្នុងប្រវត្តិសាស្ត្រ ខណៈ PSG មានមុខសារជាថ្មី បើគិតចាប់តាំងពីចាប់តាំងពីឆ្នាំ១៩៩៥មក។
ក្នុងដំណើរមកកាន់វគ្គពាក់កណ្តាលផ្តាច់ព្រ័ត្រនេះ RB Leipzig ជាប់លេខ១ពូល G ហើយបន្តយកឈ្នះ Tottenham Hotspur ៤-០ [១-០ និង ៣-០] នៅវគ្គ១៦ក្រុមចុងក្រោយ និងទម្លាក់ Atletico Madrid ២-១ នៅវគ្គ១/៤ផ្តាច់ព្រ័ត្រ។
រីឯ Paris Saint-Germain បានលេខ១ពូល A ហើយបន្តទម្លាក់ Borussia Dortmund ៣-២ [១-២ និង ២-០] នៅវគ្គ១៦ក្រុមចុងក្រោយ ហើយយកឈ្នះ Atalanta ២-១ នៅវគ្គ១/៤ ផ្តាច់ព្រ័ត្រ។
ក្រុមដែលឈ្នះ ត្រូវរង់ចាំអ៊ុតមើលជំនួបវគ្គពាក់កណ្តាលផ្តាច់ព្រ័ត្រមួយទៀតរវាង Lyon និង Bayern Munich នារាត្រីថ្ងៃពុធ ឈានចូលថ្ងៃព្រហស្បតិ៍។ វគ្គផ្តាច់ព្រ័ត្រនឹងប្រព្រឹត្តទៅនៅថ្ងៃទី២៣ ខែសីហា៕
© រក្សាសិទ្ធិដោយ thmeythmey.com
