កីឡាអន្តរជាតិ
អន្តរជាតិ
វីរបុរសបាល់ទាត់ Pele៖ ជោគជ័យមិនមែនជារឿងចៃដន្យឡើយ!
× លោក Pele បច្ចុប្បន្នអាយុ៧៩ឆ្នាំ ជាវីរបុរសបាល់ទាត់ដ៏ជោគជ័យបំផុតដែលបានជួយឲ្យក្រុមជម្រើសជាតិប្រេស៊ីលឈ្នះពានរង្វាន់កីឡាបាល់ទាត់ពិភពលោក (World Cup) ដល់ទៅ៣លើកគឺក្នុងឆ្នាំ១៩៥៨ ឆ្នាំ១៩៦២ និងឆ្នាំ១៩៧០។ លោកជាប់ក្នុងកំណត់ត្រាពិភពលោក (Guinness World Record) ដោយបានស៊ុតបាល់បញ្ចូលទី១២៧៩គ្រាប់ក្នុងការប្រកួត១៣៦៣លើក។
លោក Pele ត្រូវបានចាត់ទុកជាវីរបុរសកីឡាឆ្នើមជាងគេបំផុតប្រចាំសតវត្សទី២០ ដោយលោកទទួលបានមេដាយ ពាន និងកិត្តិយសផ្សេងៗ ដ៏ច្រើនសន្ធឹកសន្ធាប់។ អ្វីទាំងនេះ ត្រូវបានលោក Pele បញ្ជាក់ជាញឹកញាប់ថា មិនមែនបានមកដោយចៃដន្យនោះឡើយ។
សារព័ត៌មានថ្មីៗ សូមដកស្រង់សំដីមាសរបស់លោក Pele ឈ្មោះដើម Edson Arantes do Nascimento ដែលប្រែក្លាយខ្លួនពីក្មេងដ៏សាមញ្ញម្នាក់នៅប្រេស៊ីល ទៅជាវីរបុរសដ៏អស្ចារ្យក្នុងពិភពកីឡា។
លោកបានលើកឡើងថា៖ «ជោគជ័យមិនមែនជារឿងចៃដន្យឡើយ។ វាកើតចេញពីការខិតខំធ្វើការ អត់ធ្មត់ សិក្សារៀនសូត្រ ការលះបង់ ហើយភាគច្រើនបំផុតនោះ គឺសេចក្តីស្រឡាញ់ចំពោះអ្វីដែលអ្នកកំពុងធ្វើ ឬកំពុងរៀន» [Success is no accident. It is hard work, perseverance, learning, studying, sacrifice and most of all, love of what you are doing or learning to do]៕
© រក្សាសិទ្ធិដោយ thmeythmey.com