កង់ខ្មែររបស់អ្នកស្រី ពុក ទោល ទោះចាស់ខ្លាំង និងប្រើលែងកើតក៏មិនចង់លក់ដែរ

ជាតិ

កង់ខ្មែររបស់អ្នកស្រី ពុក ទោល ទោះចាស់ខ្លាំង និងប្រើលែងកើតក៏មិនចង់លក់ដែរ

02, Sep 2020 , 7:59 am

រូបភាព

ដោយ: នាយយ៉ាន

ខេត្តត្បូងឃ្មុំ៖ អ្នកស្រី ពុក ទោល ជាម្ចាស់កង់ម៉ាក PHOENIX ដែលគ្រប់គ្នាស្គាល់ថាជាកង់ខ្មែរ បានប្រើប្រាស់កង់នេះដើម្បីជួយសម្រួលការងារ និងជីវភាពរបស់អ្នកស្រី អស់រយៈពេលជាង១០ឆ្នាំហើយ។ កាលពីពេលកន្លងទៅ អ្នកស្រី ប្រកបរបរជាអ្នកលក់ចេក ហើយអ្នកស្រី ប្រើប្រាស់កង់មួយនេះដើម្បីដឹកចេកទាំងនោះទៅលក់នៅតាមភូមិនានាផងដែរ។ កង់មួយនេះ នៅជាមួយអ្នកស្រី អស់រយៈពេល១៥ឆ្នាំហើយ ដោយអ្នកស្រីទិញពីលោក បូជាចារ្យសហគមន៍កាតូលិកខ្មែរ ដែលរស់នៅក្នុងតំបន់នោះស្រាប់។ ដោយសារតែកង់មួយចាស់ ក៏មានអ្នកអេតចាយទិញ ប៉ុន្តែអ្នកស្រីមិនលក់នោះទេ អ្នកស្រី ស្រឡាញ់ និងចង់រក្សាទុកនូវរបស់ខ្មែរផងដែរ។