កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
Barcelona នឹងប្រើកីឡដ្ឋាន Camp Nou ដើម្បីទទួលស្វាគមន៍ Real Madrid ក្នុងជំនួបយក្ស El Clasico ជើងទី១នៃក្របខណ្ឌ La Liga រដូវកាល ២០២០-២១ នៅថ្ងៃទី ២៥ ខែតុលា។ LaLiga បានប្រកាសកាលវិភាគប្រកួតរបស់ខ្លួនរួចរាល់ហើយ មុនរដូវកាលថ្មីត្រឡប់ចូលវិញនៅថ្ងៃទី១៣ ខែកញ្ញា។
ជំនួបធំបំផុតរវាងក្រុមយក្សអេស្ប៉ាញទាំងពីរសម្រាប់ជើងទី២ នឹងត្រូវធ្វើឡើងនៅកីឡដ្ឋាន កីឡដ្ឋាន Santiago Bernabeu ថ្ងៃទី១១ ខែមេសា ឆ្នាំ២០២០ ពោលគឺនៅក្នុងការប្រកួតសប្តាហ៍ទី៣០។
ការប្រកួតដំបូងរបស់ Barcelona ក្នុងក្របខណ្ឌលីគកំពូលអេស្ប៉ាញ ត្រូវធ្វើឡើងនៅថ្ងៃទី២៧ ខែកញ្ញា ដោយក្រុមដែលមានអ្នកចាត់ការទូទៅថ្មីលោក Ronald Koeman ទទួលភ្ញៀវ Villarreal ។ ចំណែកការប្រកួតបើកឆាកលីគជាមួយក្រុម Elche ដែលត្រូវធ្វើនៅថ្ងៃទី១៣ កញ្ញានោះ ត្រូវលើកពេល។
ចំណែក Real Madrid វិញ ក្រុមការពារជើងឯកនេះក៏ត្រូវពន្យារពេលប្រកួតបើកឆាកជាមួយ Getafe ផងដែរ។ ក្រុមដែលមានលោក Zinedine Zidane ជាអ្នកចាត់ការនេះ ត្រូវចាប់ផ្ដើមរដូវកាលថ្មីសម្រាប់ប្រកួតដំបូងជាមួយ Real Sociedad ដែលធ្វើឡើងនៅថ្ងៃទី២០ ខែសីហា។
ការប្រកួតទាំងអស់នៅ La Liga រដូវកាលថ្មីនេះ នៅតែបន្តមិនឲ្យមានអ្នកគាំទ្រចូលទីលានទស្សនាផ្ទាល់ដដែល ដើម្បីការពារការឆ្លងរាលដាលនៃជំងឺ COVID-19៕
Tag:
El Clasico
© រក្សាសិទ្ធិដោយ thmeythmey.com
