COVID-19
អន្តរជាតិ
Oxfam៖ ប្រទេសអ្នកមានបានទិញកក់ចំនួនពាក់កណ្តាល វ៉ាក់សាំង COVID-19ដែលនឹងត្រូវផលិតនាពេលអនាគត
វ៉ាក់សាំងជំងឺ COVID-19។រូបតំណាង។ រូបភាព៖ Reuters
×![]()
ក្រុមប្រទេសអ្នកមាន ដែលតំណាងឲ្យត្រឹមតែ១៣ភាគរយនៃប្រជាជនទូទាំងពិភពលោក បានទិញកក់វ៉ាក់សាំងCOVID-19ចំនួនពាក់កណ្តាល ដែលនឹងត្រូវផលិតនៅពេលអនាគត។ ការសម្រុកទិញកក់បែបនេះ នឹងបណ្តាលឲ្យប្រទេសកំពុងអភិវឌ្ឍន៍ ពិបាកទទួលបានវ៉ាក់សាំងនៅពេលដែលគេផលិតបាន។ នេះយោងតាមរបាយការណ៍របស់អង្គការ Oxfam នៅថ្ងៃទី១៦ ខែកញ្ញា។
Oxfam ដែលជាអង្គការមនុស្សធម៍ មិនមែនរដ្ឋាភិបាល បានបញ្ចេញរបាយការណ៍នេះ ដោយផ្អែកទៅលើការវិភាគលើកិច្ចព្រមព្រៀងរវាងក្រុមហ៊ុនផលិតវ៉ាក់សាំង និងរដ្ឋាភិបាល ទៅលើវ៉ាក់សាំងចំនួន៥ ដែលកំពុងស្ថិតនៅក្នុងការធ្វើតេស្តតំណាក់កាលចុងក្រោយ។វ៉ាក់សាំងទាំង៥ ដែលកំពុងធ្វើតេស្តនៅមានAstraZeneca Gamaleya/Sputnik Moderna Pfizer និង Sinovac។
Oxfam គណនាថា សមត្ថភាពផលិតរបស់ក្រុមហ៊ុនវ៉ាក់សាំងទាំង៥បញ្ចូលគ្នា អាចផលិតបានវ៉ាក់សាំង៥, ៩ពាន់លានដប ដែលគ្របគ្រាប់សម្រាប់មនុស្ស៣ពាន់លាននាក់ ដែលក្នុងនោះវ៉ាក់សាំងខ្លះអាចតម្រូវឲ្យចាក់២ដង ទើបមានប្រសិទ្ធិភាព។ ដោយគិតមកដល់ពេលនេះ ប្រទេសទាំងអស់បាននាំគ្នាកក់ទិញទុកវ៉ាក់សាំងទាំង៥នោះ ចំនួន ៥,៣ពាន់លានដប ធៀបទៅនឹង៥,៩ពាន់លានដបដែលអាចផលិតបាន។
ប្រទេសអ្នកមានដូចជា អាមេរិក អង់គ្លេស សហភាពអឺរ៉ុប អូស្ត្រាលី ហុងកុង និងម៉ាកាវ ស្វីស និងអ៊ីស្រាអែល បានកក់ទិញវ៉ាក់សាំងដែលនឹងត្រូវផលិតនាពេលអនាគតចំនួនពាក់កណ្តាល ពោលគឺ២,៦ពាន់លានដប។ ខណៈចំនួនសេសសល់ ត្រូវបានក្រុមហ៊ុន សន្យាលក់ឲ្យប្រទេសកំពុងអភិវឌ្ឍន៍ដូចជាចិន ប្រស៊ីល ឥណ្ឌូនេស៊ី និងប្រទេសផ្សេងៗទៀត។
ប្រទេសអ្នកមានដូចជា អាមេរិក អង់គ្លេស សហភាពអឺរ៉ុប អូស្ត្រាលី ហុងកុង និងម៉ាកាវ ស្វីស និងអ៊ីស្រាអែល បានកក់ទិញវ៉ាក់សាំងដែលនឹងត្រូវផលិតនាពេលអនាគតចំនួនពាក់កណ្តាល ពោលគឺ២,៦ពាន់លានដប។ ខណៈចំនួនសេសសល់ ត្រូវបានក្រុមហ៊ុន សន្យាលក់ឲ្យប្រទេសកំពុងអភិវឌ្ឍន៍ដូចជាចិន ប្រស៊ីល ឥណ្ឌូនេស៊ី និងប្រទេសផ្សេងៗទៀត។
លោក Robert Silverman តំណាងOxfam នៅអាមេរិក បានលើកឡើងថា៖« ការទទួលបានវ៉ាក់សាំងដើម្បីរស់ មិនគួរណាអាស្រ័យទៅនឹងទីកន្លែងដែលមនុស្សរស់នៅ ឬទឹកប្រាក់ដែលគេមាននោះឡើង»។លោក បន្តថាការផលិត និងការអនុញ្ញាតសម្រាប់វ៉ាក់សាំងដែលមានប្រសិទ្ធិភាព និងសុវត្ថិភាពមានសារៈសំខាន់ ប៉ុន្តែការចែកចាយវ៉ាក់សាំងCOVID-19 ទៅមនុស្សគ្រប់រូប និងគ្រប់ទីកន្លែងក៏សំខាន់ដូចគ្នា។
Oxfam ក៏ដូចជាអង្គការអន្តរជាតិដទៃទៀត បានអំពាវនាវឲ្យមាន«វ៉ាក់សាំងសម្រាប់ប្រជាជន» ដែលមិនគិតថ្លៃ និងចែកចាយតាមសេចក្តីត្រូវការ។ របាយការណ៍ Oxfam និយាយថា គេអាចធ្វើបែបនេះបាន ដរាបណាក្រុមហ៊ុនផលិតវ៉ាក់សាំងអនុញ្ញាតឲ្យផលិតវ៉ាក់សាំងឲ្យបានទូលំទូលាយ ដោយចែករំលែកចំណេះដឹងពីវ៉ាក់សាំង មិនគិតពីប៉ាតង់ ជៀសជាងការពារផលប្រយោជន៍ផ្តាច់មុខ និងលក់ទៅអោយអ្នកដែលផ្តល់លុយឲ្យខ្ពស់។
របាយការណ៍នេះ ក៏បង្ហាញផងដែរថា ដើម្បីចែកចាយវ៉ាក់សាំងទៅមនុស្សគ្រប់រូបដោយមិនគិតថ្លៃ គេត្រូវចំនាយតិចជាង១ភាគរយ នៃផលប៉ះពាល់COVID-19 ទៅលើសេដ្ឋកិច្ចពិភពលោក។
ចំណែក អង្គការសហប្រជាជាតិវិញ បានប៉ាន់ស្មានថាគេត្រូវការទឹកប្រាក់ចំនួន៣៨ពាន់លានដុល្លារ ដើម្បីជួយក្នុងករចែកចាយវ៉ាក់សាំងដល់ប្រទេសកំពុងអភិវឌ្ឍន៍៕
© រក្សាសិទ្ធិដោយ thmeythmey.com
