អន្តរជាតិ
និស្សិតប្រមូលផ្ដុំគ្នានៅសាកលវិទ្យាល័យ Tolbiac Pantheon Sorbonne ក្នុងទីក្រុងប៉ារីស ប្រទេសបារាំង កាលពីថ្ងៃទី១៧ កញ្ញា ២០២០។
×![]()
ដោយ: VOA
យ៉ាងហោចណាស់មានបណ្តុំវីរុសជាង១២កន្លែង បានផ្ទុះឡើងនៅតាមបណ្តាសាកលវិទ្យាល័យបារាំងដែលពោរពេញទៅដោយនិស្សិត ចាប់តាំងពីសាកលវិទ្យាល័យទាំងនេះ និងថ្នាក់រៀនចាប់ផ្តើមបើកទ្វារចូលរៀនឡើងវិញនៅខែកញ្ញានេះ។
តើការកំណត់ឲ្យពាក់ម៉ាស់ ការពារបានទេនៅក្នុងកន្លែងបង្រៀនដ៏ចង្អៀត ហើយអ្នកមកយឺតត្រូវអង្គុយនៅលើឥដ្ឋ? នោះហើយជាក្តីបារម្ភរបស់និស្សិតជាច្រើននៅឯសាកលវិទ្យាល័យ Sorbonne ដែលមានវ័យចំណាស់រាប់សតវត្សរ៍មកហើយ ក្នុងទីក្រុងប៉ារីស ខណៈពេលវីរុសកូរ៉ូណាដែលបង្កជំងឺកូវីដ១៩បានរាលដាលឡើងវិញពាសពេញប្រទេសបារាំង។
យ៉ាងតិចមានបណ្តុំជំងឺកូវីដ១៩ ជាង១២ បានផ្ទុះឡើងចាប់តាំងពីសាកលវិទ្យាល័យទាំងនេះ និង ថ្នាក់រៀនចាប់ផ្តើមបើកទ្វារចូលរៀនឡើងវិញនៅខែកញ្ញានេះ។ ករណីបង្កជាបណ្តុំមេរោគនេះ ជាសញ្ញាព្រមានដល់ប្រទេសផ្សេងៗទៀតក្នុងសហភាពអឺរ៉ុប ជាកន្លែងដែលសាកលវិទ្យាល័យសឹងទាំងអស់ ត្រៀមបន្តការបង្រៀននិងស្រាវជ្រាវនៅក្នុងសប្តាហ៍ខាងមុខនេះ។
Elise Gilbert អាយុ២០ឆ្នាំ ជានិស្សិតផ្នែកអក្សរសាស្ត្រនៅសាកលវិទ្យាល័យ Sorbonne បានថ្លែងចេញពីហ្វូងនិស្សិតដែលប្រជ្រៀតគ្នានោះថា៖ «យើងទៅសាលារៀនវិញក្នុងស្ថានភាពដែលប្រឈមនឹងគ្រោះថ្នាក់បន្តិច យើងភ័យថាយើងអាចឆ្លងជំងឺកូវីដ១៩»។
កត្តាមួយដែលធ្វើឲ្យសាកលវិទ្យាល័យចង្អៀត គឺមាននិស្សិតច្រើនដែលបានចូលរៀននៅសាកលវិទ្យល័យគឺចំនួននិស្សិតដែលចុះឈ្មោះចូលរៀនកើនពីចំនួន២៧ ម៉ឺននាក់ ដល់ទៅ ២លាន ៨សែននាក់ បន្ទាប់ពីគេលុបការប្រឡងថ្នាក់មធ្យមសិក្សាកម្រិត២ត្រៀមចូលសាកលវិទ្យាល័យ ដោយសារជំងឺកូវីដ១៩ ហើយអនុញាតឲ្យនិស្សិតមានសិទ្ធិចូលរៀននៅសាកលវិទ្យាល័យតែម្តង៕
© រក្សាសិទ្ធិដោយ thmeythmey.com
