ភ្នំពេញ៖ ពលករខ្មែរ ២នាក់ បានលិចបាត់ទៅក្នុងទឹក  ដោយសារតែលិចចានដែក ដែលពួកគេជិះ  ឆ្លងទឹកពីប្រទេសថៃ ចូលមកកម្ពុជា។ ហេតុការណ៍នេះ កើតឡើង កាលពីម៉ោងជិត៦ល្ងាច ថ្ងៃទី១៩ ខែកញ្ញា នៅចំណុចល្បាត១ ខ៣ ក្នុងភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។   នេះបើតាមគេហទំព័រអគ្គស្នងការដ្ឋាននគរបាលជាតិ។ 

 

គេហទំព័រអគ្គស្នងការដ្ឋាននគរបាល បញ្ជាក់ទៀតថាថា ពលករចំណាកស្រុកចំនួន ១១ នាក់ បាននាំគ្នាឆ្លងដែនតាមទឹកមកកម្ពុជាវិញ ដោយជិះចានដែក បានរួចផុតចំនួន ៩ នាក់ មកដល់ត្រើយម្ខាងខាងនៃទឹកដីកម្ពុជា ខណៈពលករ ២នាក់ផ្សេងទៀត ត្រូវបានទឹកកួចបណ្តាលឲ្យក្រឡាប់ចានដែក លិចចូលក្នុងទឹក៕