ជាតិ
អបអរសាទរ! WCS ប្រទះឃើញសំបុកត្រយងយក្ស នៅដែនជម្រកកែវសីមា ខេត្តមណ្ឌលគិរី
រូបភាពអង្គការ WCS
×![]()
សត្វត្រយងយក្សមួយសំបុក ត្រូវបានក្រុមការងារអង្កេតសត្វព្រៃ នៃអង្គការសមាគមអភិរក្សសត្វព្រៃកម្ពុជា(WCS) នៅរដូវពងកូន ឆ្នាំ២០២០នេះ ប្រទះឃើញក្នុងដែនជម្រកសត្វព្រៃកែវសីមា ខេត្តមណ្ឌលគិរី។ នេះបើតាមទំព័រហ្វេសប៊ុករបស់អង្គការ WCS នៅថ្ងៃទី២៨ ខែកញ្ញានេះ។ 
សត្វត្រយងយក្ស ឬឪលើក (Giant ibis) មានវត្តមានតែនៅកម្ពុជា ហើយក៏ជាបក្សីតំណាងជាតិដែរ។ ជាប្រភេទជិតផុតពូជបំផុត ហើយចំនួនរបស់វាមាននៅសេសសល់ ប្រហែលពីរបីរយក្បាលប៉ុណ្ណោះ។
កាលពីឆ្នាំ ២០១៩ ប្រជាសហគមន៍បានរកឃើញសំបុកត្រយងយក្ស ចំនួន ៣សំបុក នៅក្នុងដែនជម្រកសត្វព្រៃកែវសីមា និងបានយាមការពារ រហូតដល់កូនត្រយងយក្សពីរក្បាលបានញាស់ ហើរចេញពីសំបុកដោយសុវត្ថិភាព។
អង្គការ WCS អះអាងថា ក្រុមការងារនឹងបន្តសហការជាមួយសហគមន៍មូលដ្ឋាន ដើម្បីការពារ និងរុករកសំបុកសត្វប្រភេទកម្រៗនេះបន្ថែមទៀត៕
Tag:
Giant ibis
សត្វត្រយងយក្ស
ឬឪលើក
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
