Manchester United យកបានកីឡាករ៤នាក់នៅថ្ងៃចុងក្រោយនៃទីផ្សារដូរដោះកីឡាករលើកទី១ នៅយប់ថ្ងៃទី៥ ខែតុលា ដោយរួមមានទាំង Edinson Cavani អតីតខ្សែប្រយុទ្ធ PSG ផង ខណៈ Arsenal បញ្ចេញខ្ទង់ចំណាយដ៏ច្រើន៤៥លានផោន (៥៨,៤៦លានដុល្លារអាមេរិក) ដើម្បីយកខ្សែបម្រើ Thomas Partey ពី Atletico Madrid។
Man Utd ដែលបរាជ័យយ៉ាងអាម៉ាសក្រោមថ្វីជើង Tottenham Hotspur ៦-១ កាលពីសប្តាហ៍មុន បានបង្កើនសម្ពាធលើលោក Ed Woodward នាយកប្រតិបត្តិក្លិប ដើម្បីផ្តល់ឲ្យអ្នកចាត់ការទូទៅលោក Ole Gunnar Solskjaer សម្រាប់ជម្រើសថ្មីមួយចំនួន។
ក្លិបបិសាចក្រហមបានចុះហត្ថលេខានាំយកខ្សែប្រយុទ្ធសញ្ជាតិអ៊ុយរូហ្គាយ Cavani ដោយគ្មានតម្លៃផ្ទេរ ខ្សែការពារអន្តរជាតិប្រេស៊ីល Alex Telles ពី FC Porto តម្លៃជិត១៨លានដុល្លារ ខ្សែប្រយុទ្ធអ៊ុយរូហ្គាយ Facundo Pellistri ពី Penarol (ជិត១២លានដុល្លារ) និងខ្សែបម្រើស្លាប Amad Diallo ពី Atalanta តម្លៃ៤៨លានដុល្លារ តែត្រូវរង់ចាំដល់ខែមករា។ Cavani, Telles និង Pellistri នឹងត្រូវចូលរួមជាមួយ Donny van de Beek ដែលផ្លាស់ពី Ajax កាលពីដើមរដូវកាល ដើម្បីពង្រឹងក្រុមឡើងវិញ។
ចំណែកក្រុមកាំភ្លើងធំ Arsenal បានចំណាយប្រាក់ចំនួន ៥៨,៤០ លានដុល្លារ សម្រាប់កីឡាករអន្តរជាតិហ្គាណាវ័យ ២៧ ឆ្នាំដើម្បីយកមកបំពេញចន្លោះនៅតំបន់បម្រើរបស់ពួកគេ។ លោក Mekel Arteta ក៏បានអនុញ្ជាតឲ្យខ្សែបម្រើ Lucas Torreira ទៅឲ្យ Atletico Madrid ខ្ចីវិញផងដែរ។
Bayern Munich ម្ចាស់ជើងឯក Champions League បានខ្ចីខ្សែបម្រើប្រេស៊ីល Douglas Costa ពី Juventus ត្រឡប់ទៅវិញ និងទិញខ្សែការពារស្តាំ Bouna Sarr ពីក្លិប Olympique de Marseille ផង។
ខាងក្រោមនេះជាកីឡាករដែលត្រូវផ្ទេចេញ និងចូលក្លិបនៅថ្ងៃ Deadline Day នៃទីផ្សារដោះដូរកីឡាករលើកទី១នៅអង់គ្លេស៖
Robin Olsen [Roma - Everton] ខ្ចី
Joachim Andersen [Lyon - Fulham] ខ្ចី
Raphinha [Rennes - Leeds Utd] ១៧លានផោន
Theo Walcott [Everton - Southampton] ខ្ចី
Ben Godfrey [Norwich - Everton] ២៥លានផោន
Cafu [Olympiakos - Nottingham Forest] ខ្ចី
Josh Knight [Leicester - Wycombe] ខ្ចី
Lucas Torreira [Arsenal - Atletico Madrid] ខ្ចី
Sandro Ramirez [Everton - Huesca] គ្មានតម្លៃផ្ទេ
Gerard Deulofeu [Watford - Udinese] ខ្ចី
Sofiane Boufal [Southampton - Angiers] ខ្ចី
Wesley Hoedt [Southampton - Lazio] ខ្ចី
Nuno Da Costa [Nottingham Forest - Royal Excel Mouscron] ខ្ចី
Jerome Sinclair [Watford - CSKA Sofia] ខ្ចី
Adalberto Penaranda [Watford - CSKA Sofia] ខ្ចី
Chris Smalling [Man Utd - Roma] ១៣,៦លានផោន
Josh Cullen [West Ham - Anderlecht] មិនបញ្ចេញតម្លៃ
Michael Cuisance [Bayern Munich - Marseille] ខ្ចី
Rachid Ghezzal [Leicester - Besiktas] ខ្ចី
Xande Silva [West Ham - Aris Thesolonika] ខ្ចី
Federico Chiesa [Fiorentina - Juventus] ខ្ចី
Tiemoue Bakayoko [Chelsea - Napoli] ខ្ចី
Matteo Guendouzi [Arsenal - Hertha Berlin] ខ្ចី
Guido Carrillo [Southampton - Elche] គ្មានតម្លៃផ្ទេ
Ruben Vinagre [Wolves - Olympiakos] ខ្ចី
Ignacio Pussetto [Watford - Udinese] ខ្ចី
Douglas Costa [Juventus - Bayern Munich] ខ្ចី
Eric Maxim Choupo-Moting [Paris St-Germain - Bayern Munich] គ្មានតម្លៃផ្ទេ
Matteo Darmian [Parma - Inter Milan] ខ្ចី
Ryan Sessegnon [Tottenham - Hoffenheim] ខ្ចី