ការកាត់ស្បែកចុងលិង្គ ជាផ្នែកនៃអនាម័យ និងអាចបង្ការជំងឺមហារីកក្បាលលិង្គ

ជាតិ

បទយកការណ៍ / បទសម្ភាសន៍

ព័ត៍មានសុខភាព

ការកាត់ស្បែកចុងលិង្គ ជាផ្នែកនៃអនាម័យ និងអាចបង្ការជំងឺមហារីកក្បាលលិង្គ

10, Oct 2020 , 6:59 pm

រូបភាព

ដោយ: អុីសា រ៉ហានី (Isa Rohany)

សៀមរាប៖ ការកាត់ស្បែកចុងលិង្គ ដែលអ្នកខ្លះតែងហៅដោយសាមញ្ញថា «កាត់ចុង» ត្រូវបានក្រុមគ្រូពេទ្យអះអាងថា មានសារប្រយោជន៍ដល់សុខភាពច្រើនមុខ។ ការកាត់ស្បែកចុងលិង្គ ដែលភាសាវេជ្ជសាស្ដ្រគេឱ្យឈ្មោះថា Circumcision គឺជាកាតព្វកិច្ចដែលត្រូវបានអនុវត្តន៍នៅក្នុងសាសនាឥស្លាម លើក្មេងប្រុសដែលគ្រប់អាយុ។ តែនាពេលបច្ចុប្បន្ននេះ ក្រុមគ្រូពេទ្យភាគច្រើន បានណែនាំឱ្យគ្រប់ក្មេងប្រុសអនុវត្តន៍កិច្ចការនេះ ពិសេសលើក្មេងប្រុស ឬបុរសដែលមានបញ្ហាត្បៀត ឬមានភាពមិនប្រក្រតីនៅស្បែកចុងលិង្គ ដែលអាចបង្កជាមេរោគ ឬជំងឺផ្សេងៗ ដូចជារលាកបង្ហួនោមរ៉ាំរ៉ៃ ពិបាកនោម ឈឺនៅពេលរួមភេទ ហើយករណីខ្លះឈានដល់មហារីកក្បាលលិង្គជាដើម។ ដោយសារមានការផ្សព្វផ្សាយទូលំទូលាយ បរិបទនៃការកាត់ស្បែកចុងលិង្គ មិនមែនអនុវត្តន៍តែលើក្មេងប្រុសឥស្លាមនោះទេ មាតាបិតា ឬបុរសដែលយល់ដឹងពីបញ្ហានេះ បានសម្រេចចិត្តកាត់ស្បែកនេះចោល ដើម្បីអនាម័យខ្លួនប្រាណ ពិសេសដើម្បីបង្ការពីជំងឺផ្សេងៗមកលើខ្លួនឯង ក៏ដូចជាចម្លងទៅដល់ដៃគូ។ល។ វេជ្ជបណ្ឌិតឯកទេសផ្នែកនេះ បានណែនាំឱ្យមាតាបិតាត្រូវចេះតាមដានកូនៗ ប្រសិនបើមានភាពមិនប្រក្រតីលើស្បែកចុងលិង្គ មិនត្រូវខ្មាសអៀន និងប្រញាប់នាំកូនទៅប្រឹក្សាយោបល់ជាមួយគ្រូពេទ្យជំនាញ។

ព័ត៌មានពិស្ដារ សូមស្ដាប់បទសម្ភាសរវាងអ្នកនាង អ៊ីសា រ៉ហានី នៃសារព័ត៌មានអេឡិចត្រូនិកថ្មីៗ ជាមួយលោកវេជ្ជបណ្ឌិត កូប រ៉លី ប្រធានគ្លីនិក HBB-Phnom Penh ដែលលោកវេជ្ជបណ្ឌិតនឹងបកស្រាយលម្អិតលើបញ្ហាទាំងនេះ ៖