កូរ៉េខាងត្បូង ឲ្យអ្នកគាំទ្រចូលកីឡដ្ឋានបាល់ទាត់ និងបេស្ប៊លជាលើកទី២

COVID-19

កីឡាអន្តរជាតិ

អន្តរជាតិ

កូរ៉េខាងត្បូង ឲ្យអ្នកគាំទ្រចូលកីឡដ្ឋានបាល់ទាត់ និងបេស្ប៊លជាលើកទី២

14, Oct 2020 , 11:27 am

រូបភាព

ដោយ: ទេព ពិទូរ្យ

សហព័ន្ធកីឡាបាល់ទាត់កូរ៉េខាងត្បូង (KFA) អនុញ្ញាតឲ្យអ្នកគាំទ្រចូលរួមទស្សនាការប្រកួតក្នុងក្របខណ្ឌកំពូល K-League វិញ ចាប់ពីថ្ងៃសុក្រទី១៦ ខែតុលានេះ។ ដោយសារត្រូវរក្សាគម្លាតសុវត្ថិភាពពីការឆ្លង COVID-19 KFA ឲ្យអ្នកគាំទ្រត្រឹម ២៥ ភាគរយប៉ុណ្ណោះនៃសមត្ថភាពផ្ទុកសរុបក្នុងកីឡដ្ឋាន។

បើតាមការផ្សាយរបស់ទីភ្នាក់ងារព័ត៌មាន AFP នៅថ្ងៃទី១៣ ខែតុលា ការអនុញ្ញាតរបស់ KFAធ្វើឡើង បន្ទាប់ពីលីគបេស្ប៊លរបស់កូរ៉េខាងត្បូង KBO ដែលជាកីឡាដ៏ពេញនិយមបំផុតនៅកូរ៉ាខាងត្បូង បានឲ្យអ្នកគាំទ្រវិលត្រឡប់ចូលទស្សនាវិញជាលើកដំបូងក្នុងរយៈពេលជិត២ខែ។ ៥ប្រកួតនៅនៃលីគ KBO នៅថ្ងៃទី១៣ ខែតុលាជាមួយអ្នកគាំទ្រ២០ភាគរយ បានដំណើរការដោយជោគជ័យ។

ដើមឡើយនាយករដ្ឋមន្ត្រីកូរ៉េខាងត្បូង Chung Sye-kyun បានអនុញ្ញាតឲ្យមានអ្នកគាំទ្រមួយចំនួនកាលពីខែកក្កដាកន្លងមក។ ប៉ុន្តែ ៣ សប្តាហ៍ក្រោយមកបន្ទាប់ពីមានការរីករាលដាលនៃការឆ្លង COVID-19 រដ្ឋាភិបាលកូរ៉េក៏បញ្ជាឲ្យបិទកីឡដ្ឋានវិញ ទាំងបាល់ទាត់ និងបេស្ប៊ល។

បើទោះការអនុញ្ញាតមានចំនួនត្រឹម២៥ភាគរយក្តី ប៉ុន្តែការអនុញ្ញាតនេះ ទទួលបានការអបអរសាទរពីសំណាក់អ្នកគាំទ្រលើប្រព័ន្ធអ៊ីនធឺណិតដែលកំពុងទន្ទឹងរង់ចាំចូលកីឡដ្ឋានឡើងវិញ។

ដោយសារបញ្ហាជំងឺឆ្លង COVID-19 លីគ KBO និង K-League របស់កូរ៉េខាងត្បូងបានបើករដូវកាលរបស់ពួកគេវិញនៅដើមខែឧសភា ដោយបិទទ្វារកីឡដ្ឋានរហូតមក។ គិតត្រឹមថ្ងៃទី១៤ ខែតុលានេះ កូរ៉េខាងត្បូងមានជំនួនអ្នកស្លាប់៤៣៨នាក់ ក្នុងចំណោមអ្នកឆ្លងជិត២៥០០០ករណី។ អ្នកជាសះស្បើយចំនួនជាង២៣ម៉ឺនករណី ខណៈអ្នកឆ្លងថ្មីមានចំនួនជាង៨០នាក់៕