ជាតិ
សង្គមជាតិ
ស្រុកកណ្តាលស្ទឹង អង្គស្នួល និងក្រុងតាខ្មៅ កំពុងរងគ្រោះដោយសារឥទ្ធិពលជំនន់ពីស្ទឹងព្រែកតោ្នត
×![]()
ស្រុកកណ្តាលស្ទឹង ស្រុកអង្គស្នួល និងក្រុងតាខ្មៅនៃខេត្តកណ្តាល កំពុងរងគ្រោះដោយជំនន់ភ្លៀង និងស្ទឹងព្រែកត្នោត។ នេះបើតាមសេចក្តីជូនដំណឹងរបស់រដ្ឋបាលខេត្តកណ្តាល នារសៀលថ្ងៃទី១៤តុលានេះ ស្ថានភាពទឹកស្ទឹងព្រែកត្នោតនេះ បានហក់ឡើងកម្ពស់៩.២០ម៉ែត្រ ដែលលើសពីកម្រិតឱ្យប្រុងប្រយ័ត្ននៅត្រឹម៧ម៉ែត្រ ប៉ុណ្ណោះ។ 
លោក គង់ សោភ័ណ្ឌ អភិបាលខេត្តអភិបាលកណ្តាល បានបញ្ជាក់ប្រាប់សារព័ត៌មានថ្មីៗតាមទូរសព្ទថា សម្រាប់ស្រុកកណ្តាលស្ទឹង មានឃុំចំនួន៤ដែលបាននិងប្រឈមផលប៉ះពាល់ខ្លាំងគេ។ ក្នុងនោះមានឃុំ ដើមឬស ឃុំកន្សោម ឃុំតាមោក ជាមួយគ្នានេះ លោក គង់ សោភ័ណ្ឌ បានប្រាប់ឱ្យពលរដ្ឋរស់នៅក្នុងឃុំទាំងនោះមេត្តាប្រុងប្រយ័ត្នឱ្យខ្ពស់ និងត្រៀមខ្លួន ជម្លៀសទីទួលសុវត្ថិភាព ដែលបានរៀបចំរួចស្រេច។
ដោយឡែក សម្រាប់ស្រុកអង្គស្នួល និងទីក្រុងតាខ្មៅវិញ ក៏ប្រឈមខ្ពស់នៃជំនន់ទឹកភ្លៀងធា្លក់ពីខេត្តកំពង់ និងស្ទឹងព្រែកត្នោតផងដែរ។ លោក គង់ សោភ័ណ្ឌ បានអះអាងប្រាប់ដូច្នេះ៖«ប្រសិនល្ងាចនេះ មានភ្លៀងធ្លាក់ត្រឹម២ទៅ៣ទៀតនោះ លិចលង់តែធ្ងន់ធ្ងរ»៕
Tag:
ជំនន់ទឹកភ្លៀង
ស្រុកកណ្តាលស្ទឹង ស្រុកអង្គស្នួល
ក្រុងតាខ្មៅ
© រក្សាសិទ្ធិដោយ thmeythmey.com
