អ្នកនាំពាក្យក្រសួងបរិស្ថាន លោក នេត្រ ភក្រ្ដា ឱ្យដឹងថា ពិព័រណ៍នេះធ្វើឡើងក្នុងបំណងដើម្បីផ្សព្វផ្សាយពីសត្វស្លាប ការថតរូបសត្វស្លាប និងជីវចម្រុះនៅក្នុងប្រទេសកម្ពុជា ដើម្បីផ្សព្វផ្សាយឱ្យយល់ដឹងជារួមពីបញ្ហាទាំងនេះ។ លោកបន្ថែមថា ពិព័រណ៍នេះមានការចូលរួមពីក្រុមអ្នកថតសត្វស្លាបទូទៅប្រទេសកម្ពុជាផងដែរ។ 

 

តាមសេចក្ដីជូនដំណឹងរបស់ក្រសួងបរិស្ថាន ក្នុងពិព័រណ៍រយៈពេល២ថ្ងៃនេះ ក្រៅពីមានការតាំងពិព័រណ៍រូបភាពសត្វស្លាបនៅកម្ពុជា ក៏មានការធ្វើបទបង្ហាញស្ដីពីការអភិរក្សសត្វស្លាប និងកម្មវិធីមើលសត្វស្លាបនៅតំបន់ភ្នំក្រោម និងការកម្មវិធីមួយចំនួនទៀត៕