ទូតអាមេរិក សោកស្ដាយ និងរំលែកទុក្ខជាមួយប្រជាជនកម្ពុជា ដែលរងគ្រោះដោយទឹកជំនន់

ជាតិ

ទូតអាមេរិក សោកស្ដាយ និងរំលែកទុក្ខជាមួយប្រជាជនកម្ពុជា ដែលរងគ្រោះដោយទឹកជំនន់

20, Oct 2020 , 2:23 pm

រូបភាព

លោក W. Patrick Murphy ឯកអគ្គរដ្ឋទូតសហរដ្ឋអាមេរិកប្រចាំកម្ពុជា នាពេលលោកចូលរួមសន្និសីទ ស្ដីពី ឧក្រិដ្ឋកម្មលើកុមារ នៅព្រឹកថ្ងៃទី២០ តុលា នៅសណ្ឋាគារ សូហ្វីតែល អង្គរភូគីត្រា សៀមរាប។

ដោយ: អុីសា រ៉ហានី (Isa Rohany) & អ៊ូ សុខមាន (OU Sokmean)

សៀមរាប៖ លោក W. Patrick Murphy (ប៉ាទ្រីក ម៉ូហ្វី) ឯកអគ្គរដ្ឋទូតសហរដ្ឋអាមេរិកប្រចាំកម្ពុជា បានសម្ដែងការសោកស្ដាយ ជាមួយប្រជាជនកម្ពុជា ដែលកំពុងរងគ្រោះដោយសារជំនន់ទឹកភ្លៀង។ លោកឯកអគ្គរដ្ឋទូតបញ្ជាក់ថា ស្ថានទូតបានតាមដានស្ថានភាពគ្រោះទឹកជំនន់នៅកម្ពុជា ដោយយកចិត្តទុកដាក់ និងបានផ្តល់ថវិកាបន្ទាន់ តាមរយៈអង្គការដៃគូចំនួន ១០ម៉ឺនដុល្លារ សម្រាប់ជួយប្រជាជនកម្ពុជា ដែលកំពុងរងគ្រោះធ្ងន់ធ្ងរ។ ជាមួយគ្នានេះ លោក ប៉ាទ្រីក ម៉ូហ្វី បានចូលរួមសោកស្ដាយ និងការព្រួយបារម្ភ ជាមួយប្រជាជនកម្ពុជា ដែលបានបាត់បង់អាយុជីវិត និងខូចខាតទ្រព្យសម្បត្តិ ដោយសារជំនន់ទឹកភ្លៀងនេះ។