កីឡាអន្តរជាតិ
អន្តរជាតិ
Man Utd និង Liverpool បបួលក្រុមធំៗនៅអឺរ៉ុបបង្កើតពានថ្មី តម្លៃ៦ពាន់លានដុល្លារ
× ក្លិប Manchester United និង Liverpool កំពុងបើកកិច្ចពិភាក្សាជាមួយក្លិបលំដាប់កំពូលៗនៅអឺរ៉ុបដើម្បីចូលរួមការប្រកួតប្រជែងពានរង្វាន់ថ្មីមួយដែលមានឈ្មោះថា European Premier League។ បើតាមការចុះផ្សាយរបស់ BBC ពានថ្មីដែលមានការគាំទ្រពីសហព័ន្ធកីឡាបាល់ទាត់អន្តរជាតិ (FIFA) នេះគ្រោងចំណាយប្រាក់ ៦ ពាន់លានដុល្លារអាមេរិក។
យោងតាមប្រភពព័ត៌មានពីឧស្សាហកម្មបាល់ទាត់មួយដែលមិនបញ្ចេញឈ្មោះ ហើយត្រូវទូរទ្សន៍ Sky យកទៅផ្សាយ មានក្រុមលើសពី១២មកពីលីគកំពូលទាំង៥របស់អឺរ៉ុប ដែលរួមមានអង់គ្លេស បារាំង អាល្លឺម៉ង់ អ៊ីតាលី និងអេស្ប៉ាញកំពុងចរចាដើម្បីក្លាយជាសមាជិកស្ថាបនិករបស់ពានរង្វាន់ថ្មីដែលមានឈ្មោះថា European Premier League នេះ។ European Premier League គ្រោងចាប់ផ្តើមការប្រកួតសាកល្បងនៅឆ្នាំ ២០២២។
ចំណែក BBC ឯណោះវិញទទួលបានរបាយការណ៍ថា ដើម្បីដំណើរការយុទ្ធនាការប្រកួតថ្មីនេះបាន ត្រូវប្រើប្រាស់កញ្ចប់ថវិការហូតដល់ ៤,៦ពាន់លានផោន (៦ពាន់លានដុល្លារ) ឯណោះ។
កាសែតដដែលនេះបន្តថា FIFA ក៏កំពុងធ្វើការលើទម្រង់ថ្មីនេះដែរ និងរំពឹងថានឹងមានក្រុមចំនួន១៨ ចូលរួមប្រកួតមុនវគ្គជម្រុះ តាមស្តង់ដាក្របខណ្ឌអឺរ៉ុប។ ប៉ុន្តែយ៉ាងណាក៏ដោយមកទល់ពេលនេះ ទាំង FIFA និង UEFA មិនទាន់បានអត្ថាធិប្បាយជុំវិញករណីនេះនៅឡើយទេ។
អ្នកនាំពាក្យរបស់ FIFA បានប្រាប់ទីភ្នាក់ងារព័ត៌មាន Reuters តាមរយៈអ៊ីមែលថា FIFA មិនមចង់ធ្វើអត្ថាធិប្បាយ ជុំវិញការពិភាក្សាបង្កើតពានរង្វាន់ថ្មីនេះទេ។ ស្របពេលគ្នានេះក្រុមអ្នកផ្តួចផ្តើម Manchester United បានបដិសេធមិនធ្វើអត្ថាធិប្បាយដូចគញនាលើរបាយការណ៍នេះ ហើយ Liverpool ក៏មិនបានឆ្លើយតបចំពោះការសាកសួរពីក្រុមអ្នកកាសែតដូចគ្នា។
កន្លងមក ក្លិបនៅ Premier League ធ្លាប់បានច្រានចោលគម្រោង «Project Big Picture» ដែលដាក់ចេញពីសំណាក់ក្លិបបិសាចក្រហម និងហង្សក្រហម ក្នុងការកាត់បន្ថយក្រុមពី ២០ ទៅ១៨ ក្នុងក្របខណ្ឌលីគកំពូលអង់គ្លេសរួចមកហើយ៕
Tag:
Manchester United
Liverpool
European Premier League
© រក្សាសិទ្ធិដោយ thmeythmey.com