អត្ថបទពាណិជ្ជកម្ម
សៀវភៅកម្រងរឿងខ្លី «ឧកញ៉ា វេជ្ជបណ្ឌិត គួច ម៉េងលី និមិត្តរូបខ្ញុំ» ដាក់សម្ពោធជាផ្លូវការ
×![]()
ដោយ: សារព័ត៌មានថ្មីៗ
សៀវភៅកម្រងរឿងខ្លី ដែលមានចំណងជើងថា «ឧកញ៉ា វេជ្ជបណ្ឌិត គួច ម៉េងលី និមិត្តរូបខ្ញុំ »ជាភាសាខ្មែរ បានដាក់សម្ពោធជាផ្លូវការហើយ ជាមួយនឹងការបោះពុម្ពចំនួន៣,០០០ច្បាប់។ សៀវភៅនេះ មានកម្រាស់៤១៨ទំព័រ ទំហំ ១៥x២៣ សង់ទីម៉ែត្រ ប្រភេទក្របទន់ និងមានការចូលរួមនិពន្ធពីយុវជនឆ្នើមៗ៦ រូបក្នុងគ្រឹះស្ថានបោះពុម្ពនៃសាកលវិទ្យាល័យ ម៉េងលី ជេ. គួច និងក្រុមការងារ គេហរទំព័រ ឌី អីនធ័រខន រ៉ូស្ទ័រ ដែលស្ថិតនៅក្រោមក្រុមហ៊ុន ម៉េងលី ជេ. គួច អេឡូខេសិន។
ខ្លឹមសារក្នុងសៀវភៅនេះ អ្នកនិពន្ធ បានលើកយកសកម្មភាពសប្បុរសធម៌ របស់លោក ឧញ៉ាវេជ្ជបណ្ឌិត គួច ម៉េងលី ក្នុងការជួយឈឺឆ្អាល យកចិត្តទុកដាក់ មើលខុសត្រូវមនុស្សជុំវិញខ្លួន ក៏ដូចជាប្រជាពលរដ្ឋខ្មែរទូទៅ លើកមកតែងនិពន្ធជារឿងខ្លីៗបែបអប់រំ និងបណ្តុះគំនិតឱ្យចេះជួយគ្នាក្នុងសង្គមខ្មែរ។ សៀវភៅនេះ ក៏បានលើកយកបទពិសោធន៍ ក្នុងការធ្វើអាជីវកម្មរបស់លោកឧញ៉ា វេជ្ជបណ្ឌិត មកនិពន្ធជារឿងខ្លីៗ ងាយយល់ងាយអាន ស្តីពីការបោះជំហានវិនិយោគ ក្នុងវិថីរកស៊ីជួញដូរ។
មិនតែប៉ុណ្ណោះ សៀវភៅនេះ ក៏បានបណ្តុះផ្នត់គំនិតមនុស្សឱ្យចេះតស៊ូ ព្យាយាម អត់ធ្មត់ ម្ចាស់ការ និងហ៊ានសម្រេចចិត្តច្បាស់លាស់ក្នុងការធ្វើអ្វីមួយ ដែលបានបង្កប់នូវក្នុងខ្លឹមសាររបស់រឿងនីមួយៗផងដែរ។ លើសពីនេះ សៀវភៅគឺជាសក្ខីភាពដ៏ល្អមួយ ក្នុងការបង្ហាញ ឬប្រកាសប្រាប់ពិភពលោកថា លោកឧកញ៉ា វេជ្ជបណ្ឌិត គួច ម៉េងលី គឺជាបុគ្គលឆ្នើមលើកិច្ចការអប់រំ កិច្ចការមនុស្សធម៌ មានដូចជាគ្លីនិកចល័ត ធនាគារ អាហារ ការស្ថាបនាស្ពាន សង់អណ្តូង សង់សាលារៀន នៅតំបន់ដាច់ស្រយាល បណ្ណាល័យចល័ត កង់មួយជីវិតមួយ ការថែទាំបរិស្ថាន និងការធ្វើធុរកិច្ចជាដើម។
រាល់គ្រប់សកម្មភាព របស់លោកឧកញ៉ា គឺត្រូវបានស្តែងឡើង តាមរយៈការចុះផ្សាយ របស់សារព័ត៌មានល្បីៗ ថ្នាក់ជាតិ និងអន្តរជាតិនានា ស្តីពីការធ្វើសកម្មភាពរបស់លោកឧកញ៉ា ទើបក្រុមការងារគ្រឹះស្ថានបោះពុម្ព នៃសាកលវិទ្យាល័យ ម៉េងលី ជេ. គួច និងក្រុមការងារ ឱ អឺនធ័រខន រ៉ូស្ទ័រ បានយកសកម្មភាពទាំងនោះ មកសរសេរច្នៃចេញជារឿងខ្លីៗ បែបកម្សាន្តអប់រំ ក្នុងគោលបំណង បង្ហាញពីសន្តានចិត្តមនុស្សធម៌ របស់លោកឧកញ៉ា៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
