អាជ្ញាធរខេត្តសៀមរាប ជំរុញឱ្យវិស័យឯកជនរៀបចំកញ្ចប់ទេសចរ ដែលជួយឲ្យខ្មែរគ្រប់រូបទៅអង្គរវត្តបានម្ដង ក្នុងមួយជីវិត

ជាតិ

បទសម្ភាសន៍

អាជ្ញាធរខេត្តសៀមរាប ជំរុញឱ្យវិស័យឯកជនរៀបចំកញ្ចប់ទេសចរ ដែលជួយឲ្យខ្មែរគ្រប់រូបទៅអង្គរវត្តបានម្ដង ក្នុងមួយជីវិត

30, Oct 2020 , 8:39 pm

រូបភាព

ដោយ: អុីសា រ៉ហានី (Isa Rohany)

សៀមរាប៖ អវត្តមានទេសចរបរទេសអំឡុងវិបត្តិកូវីដ-១៩ បានធ្វើឲ្យវិស័យទេសចរកម្ពុជា ពិសេសខេត្តសៀមរាបធ្លាក់ដុនដាប។ ការជំរុញឲ្យភ្ញៀវទេសចរជាតិ ដើរលេងនៅក្នុងប្រទេសកាន់តែច្រើន គឺជាក្តីសង្ឃឹមដ៏ធំធេង សម្រាប់ដង្ហើមទេសចរណ៍ខេត្តសៀមរាប។ ហេតុដូច្នេះហើយបានជា នាឱកាសកិច្ចប្រជុំប្រចាំខែនៃសមាគមសណ្ឋាគារកម្ពុជា អភិបាលរងខេត្តសៀមរាប លោក ពៅ ពិសិដ្ឋ ជំរុញ្យវិស័យឯកជន គួរមានកញ្ចប់ទេសចរណ៍សម្រាប់ប្រជាជនកម្ពុជា ដោយត្រូវធ្វើយ៉ាងណា ពួកគាត់ ស្គាល់ប្រាសាទអង្គរវត្តបានម្ដង នៅក្នុងជីវិតនេះ។

លោក ពៅ ពិសិដ្ឋ ស្នើឱ្យវិស័យឯកជន ត្រូវបន្តគិតគូរ បង្កើតគំនិតថ្មីៗ ដែលឆ្លុះបញ្ចាំងពីតម្រូវការថ្មីៗ ក្នុងកាលៈទេសៈនេះ ព្រមទាំងលើកទឹកចិត្តប្រតិបត្តិករទេសចរ ឱ្យបន្តខិតខំប្រឹងប្រែង និងគួរមានកិច្ចប្រជុំជាប្រចាំ ដោយមានថ្នាក់ដឹកនាំខេត្តចូលរួម ដើម្បីជជែកពីបញ្ហា និងរកផ្លូវដោះស្រាយរួមគ្នា ធ្វើយ៉ាងណាឱ្យវិស័យទេសចរណ៍ ឬវិស័យសណ្ឋាគារមាននិរន្តរភាព។

សូមទស្សនាការលើកឡើងរបស់លោក ពៅ ពិសិដ្ឋ អភិបាលរងខេត្តសៀមរាប នាឱកាសចូលរួមក្នុងកិច្ចប្រជុំប្រចាំខែ របស់សមាគមសណ្ឋាគារកម្ពុជា ដែលធ្វើឡើងកាលពីថ្ងៃទី២៧ តុលា ដូចតទៅ៖