COVID-19
អន្តរជាតិ
×![]()
បារាំងនៅថ្ងៃទី ៣០ ខែតុលា រាយករារណ៍ករណីឆ្លងកូវីដ-១៩ ចំនួន ៤៩ ២១៥ករណី ក្នុងពេល២៤ម៉ោង ធៀបនឹង ៤៧ ៦៧៣ករណី កាលពីថ្ងៃទី ២៩ ខែតុលា។ 
ការបិទប្រទេសទូទាំងប្រទេស បានចូលធរមានកាលពីសុក្រ ដើម្បីទប់ស្កាត់ការរាលដាលកូវីដ-១៩ ។
អ្នកស្លាប់ដោយជំងឺកូវីដ-១៩ មាន ២៥៦នាក់ក្នុងពេលម៉ោង ដែលធ្វើឲ្យតួលេខសរុបឡើងដល់ ៣៦ ៥៦៥នាក់។ ក្រសួងសុខាភិបាលបារាំងបញ្ជាក់បែបនេះ ខណៈតួលេខឆ្លងសរុបឡើងដល់ ១ ៣៣១ ៩៨៤ករណី។
ចំណែក អ៊ីតាលី បានរកឃើញករណីឆ្លងកូវីដ-១៩ថ្មី ចំនួន ៣១ ០៨៤ករណី ក្នុងពេលត្រឹម២៤ម៉ោងចុងក្រោយ ។ ក្រសួងសុខាភិបាលអ៊ីតាលី បានបញ្ជាក់បែបនេះ នៅថ្ងៃទី ៣០ ខែតុលា ដែលជាតួលេខខ្ពស់បំផុត ចាប់តាំងពីផ្ទុះជំងឺនេះក្នុងប្រទេសនេះមក។
ករណីឆ្លងក្នុងមួយថ្ងៃរហូតដល់ជាត៣ម៉ឺនករណីនេះ គឺបំបែកកំណត់ត្រាចាស់ ដែលអ៊ីតាលី កាលពីថ្ងៃ ២៩ ខែតុលា បានរកឃើញករណី ២៦ ៨៣១ករណី។
ក្រសួងសុខាភិបាលអ៊ីតាលី ក៏បានរាយការណ៍ស្លាប់ថ្មី ១៩៩នាក់ផងដែរ ដែលធ្វើឲ្យអ្នកស្លាប់ដោយសារជំងឺកូវីដ-១៩សរុបឡើងដល់ ៣៨ ៣២១នាក់ ។ នេះគឺជាតួលេខស្លាប់ខ្ពស់លំដាប់ទី២ ក្នុងតំបន់អឺរ៉ុប តាមពីក្រោយចក្រភពអង់គ្លេស ដែលមានរហូតដល់៤៦ ២២៩នាក់។
ទីក្រុងហិរញ្ញវត្ថុ Milan នៃតំបន់ Lombardy ភាគខាងជើងអ៊ីតាលី នៅតែជាតំបន់រងគ្រោះបំផុត ដែលរាយកាណ៍ករណីថ្មី ៩៨៦០ករណី កាលពីថ្ងៃសុក្រ បើធៀបនឹង ៧៣៣៩ ករណី ក្នុងថ្ងៃព្រហស្បតិ៍។ ចំណែក Campania ភាគខាងត្បូងអ៊ីតាលី ជាតំបន់រងគ្រោះខ្លាំងលំដាប់ទី២។
តាមការចុះផ្សាយរបស់ទីភ្នាក់ងារព័ត៌មាន Reuters នាយករដ្ឋមន្ត្រី Giuseppe Conte បានដាក់ចេញវិធានការរឹតត្បិតលើសកម្មភាពអាជីវកម្មកាលពីសប្ដាហ៍មុន ដោយបញ្ជាឲ្យហាងស្រា និងភោជនីយដ្ឋានបិទទ្វារ ត្រឹមម៉ោង៦ល្ងាច ហើយបិទដំណើរការកន្លែងហាត់ប្រាណ រោងកុន ជាដើម។
កាលពីថ្ងៃសុក្រ តំបន់មួយ ឈ្មោះថា Valle D’Aosta របស់អ៊ីតាលី ដែលនៅជាប់ព្រំដែនបារាំង បានដាក់បម្រាមគោចរពីម៉ោង៩យប់ដល់៥ព្រឹក ដើម្បីទប់ស្កាត់ការហក់ឡើងនៃការរាតត្បាតជំងឺកូវីដ-១៩៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
